رواية كفي والمنجمة الفصل التاسع 9 بقلم الكاتبة Leo alfatlawi – للقراءة المباشرة والتحميل pdf
اني هم ماكلت جذب رجعت لنومتي
مر اسبوع هدوء مؤتمن الصبح ياخذ مصطفى ويا للشغل ميخلي ساعه وحده بالبيت وحتى اذا يرجع يحذرني اوصل يمه حتى سماح هم اموصيها عليه
بليل يجي ساعه لو اكثر يدخن يم الشباج يشوفني نايمه يطلع
عمتي ام مؤتمن شنت حرب مزدوجه ويه عمتي ام مصطفى كل اشويه مفترستها وكوه انهدهن بس والله ونسه من يتعاركن كلمن اتعير الثانيه بماضيها وكتشفت اكثر ماضيهن الحلو من وره عركاتهن طلعن حتى اسحور يسون
اليوم جان مؤتمن طالع ويه تهاني يجهزون اخر شي للعرس وام مؤتمن اتروح وتجي اتهلهل وتحمس بسماح وسماح كاضيتها مناحه يمكن تنجلط قبل زواج مؤتمن وتموت مؤتمن جان مامقصر وياها دوم يكعد وياها ويتوسل بيها لاتبجي وراح يعدل بينهن واتضل هيه الاصل بس متقنع هالكد متحبه ميته قهر عليه وهوه هم من يشوفها بهالشكل ينقهر حتى فرحته بدت تتلاشه
–طلعي شوفي رجاء كملت الخبز
–تمام طالعه بس ثواني
–كون الله ياخذج ولج ركضي البت تعبت وحدها
–ؤك عمه هياتني طالعه
بيبي. تعالي لج گربي
–وين وجه الشوم الثاني
–منو مصطفى مااعرف لويش تردين اصيحله
–لاع بس شوفي اخاف يعتاز شي ويخجل يحجي
–يعني اروح اكوله بيبي اتكول اشمعتاز