رواية كفي والمنجمة الفصل التاسع 9 بقلم الكاتبة Leo alfatlawi – للقراءة المباشرة والتحميل pdf
–اشلون عرفت مونايم
–ياصبر ايوب غززززل
للصبح حسيته يوخر رجليه فتحت اعيوني لكيت اموخر رجل والثانيه بعدها على بطنه بس جنت بعدني في طريقي للصحو بعدني بمرحله بس ارمش رجعت نمت وخرها وخله مخده جوه راس لبالي راح يوخر بس صدمني من مشه اصبعه على خدي مافتحت اعيوني دنك باسني واشتمني ورجع غطاني وكام رجعت كملت نومتي لمن سمعت الباب انفتحت وعمتي على راسي اتصيح يلا يعني نوم العوافي الساعه 9 شنو ناويه لليل اتنامين
–صباح الخير عموو
ام مؤتمن. صباح الشوم والقهر بفادج كونج ماشفتي الراحه ولالكيتها يغزل يبت فريال
–يلا عمه كمت كافي
–مؤتمن جان يسوي اهنا
–كولشي ماكو بس نام
–يعني ماكرب صوبج
–لاوالله ابد نام للصبح مااتحرك ابد
–يلا كومي للمطبخ واذا سمعت بيج واصله صوبه يغزل اسود عيشتج
–امم ميخالف بس طلعي خلي اغير ملابس واجي
–بسلا اتسبحين ولج
–لاوالله عمه اشبيج تره بعدني مريضه
–عساج ماصحيتي ولاشفتي العافيه كالتها وطلعت احسها خبله موصاحيه مثل ابنها الحمد الله عائله اتريدلك واحد صاحي بيها ماكو
كمت كالعاده ابوجهي للمطبخ وشغل عين مسدوده وعين مفتوحه لان ماشبعت نوم البارحه ضليت اترقب اخاف من الهجوم المفاجئ
دااغسل اماعين الريوك لان متريكين واني نايمه دخل مؤتمن للمطبخ بدون لايحجي وياي دفعني من البوري وكف يغسل اديه كال شنو امخلصه قنينه العطر خاله الغتره تخنك اشبيج بويه مشايفه