رواية كانه لم يكن الفصل الأول 1 بقلم مها أسامة
رواية كانه لم يكن الجزء الأول
رواية كانه لم يكن البارت الأول
رواية كانه لم يكن الحلقة الأولى
بتعملى ايه هنا ؟!
وقفت جميلة والتفتت اتجاه الصوت : جايه انقذه منك .. انا عرفت كل حاجه
مصطفى : عرفتى ايه ؟!
جميلة : خلينا نمشى من هنا وبلاش مشاكل
مصطفى بابتسامه استهزاء : تمشوا من هنا ؟! .. بعد كل ده تمشو كده بسهولة ؟! … لا ياجميلة مش انفذ واخطط وفى الاخر تحنى وتبوظى كل ده
اخرج مسدس من جيبة
ووجهه نحو جلال الذى مازال مستلقى على الارض مربوط من قدمه لا يستطيع الوقوف
مصطفى : مش كنتى عايزه حقك يرجع بموته وانا وعدتك حقك هيرجع
صوب المسدس نحو جلال حاولت جميلة ان توقف مصطفى خرجت طلقه اصابت جميلة وقعت على الارض
مصطفى وقف مصدوم لدقائق جرى نحوها ورفع رأسها على رجله ببكاء عليها : ليه كده ياجميلة ليييييه … ليه تفدى بحياتك عشان كلب ميستهلش
آمنه عندما سمعت صوت اطلاق الرصاص اتصلت بالشرطه فورا : الو عايزه ابلغ عن قضيه قتل
مصطفى مازال بجوار جميلة يبكى
وجلال يفك رجله حتى انتهى وقف وبدأت المعركه بينهم هما الاثنان وانتهت باطلاق الرصاص فاصابت جلال استلقى على الارض بجانب جميلة
وفى هذه اللحظه جاءت الشرطه تقبض على مصطفى والاسعاف اخدت جميلة وجلال
الظابط يجلس امام مصطفى فى مكتبه يفتح الملف ثم بدأ يوجه له الاسئله
الظابط : بكل هدوء عايزك تقولى ايه اللى بينك وبينهم يوصلك للقتل وعايزك تعرف الانكار مش هيفيدك بحاجه.. بصماتك على المسدس وكان فى حبل فى مسرح الجريمه معنى كده كنت خاطفهم صح ؟! ..الاحسن تعترف.. يمكن اقدر اساعدك
مصطفى بهدوء : انا هقول لحضرتك كل حاجه .. انا وجميلة اصحاب فى الشغل بس هى سابته من فتره وبعدها بفتره كلمتنى ان ادخل فى موضوعها هى وجلال
الظابط : ايه اللى كان بينهم؟!
مصطفى :اللى اعرفه انهم كانو مرتبطين وهى سابته كان بينطلها كل شويه فى الشغل وتحت البيت انها ترجعله بس هى مكنتش حابه ترجعله فحب يطلع منها بمصلحه فهددها ياما تدفعله فلوس ياما يفضل لازقلها فى كل مكان
الظابط : وليه هى توافق تديله فلوس
مصطفى : هى مكنش قدامها حل تانى زى مقولت لحضرتك انها و والدتها بس .. والدها متوفى وملهاش اخ ولا حد يقفله عشان كده استنجدت بيا
الظابط : وانت بقى جبته عشان تقتله وتخلص منه نهائى
مصطفى : لا محصلش كده هى زى مقولت لحضرتك قعدت فى البيت كانت بتاخد فلوس من ممتها فى الاول ومقدرتش بعد كده تديلة حاجه فاستنجدت بيا ان ادخل واوقفه عند حده وفعلا رنت عليا وانا كنت فى الشقه بتاعتى بجهزها وبجيب طلبات بعتلها اللوكيشن وقولتلهم يجو
الظابط : وهو وافق يجى عادى!
مصطفى : انا قولتله يجى اديله الفلوس اللى عايزها فعشان كده جه
الظابط : وبعد مجه قتلته .. بس ليه قتلتها هى ؟!
مصطفى : انا مقتلتوش .. هفهم حضرتك اللى حصل
الظابط : كمل ايه اللى حصل
مصطفى : المسدس ده بتاعى مرخص عشان كده عليه بصماتى … انا بحب كل فتره لما بروح شقتى عشان هى فى مكان فاضى شويه بحب اصطاد وحضرتك ممكن تتاكد من كلامى ده
الظابط : برضو مقولتش قتلتهم ليه ؟!
مصطفى : اللى حصل ان الحوار شد بينى وبين جلال لما عرف ان مش هديله فلوس وان لو زعلها تانى هقفله انا فشدينا مع بعض جلال مسك المسدس من جيبى انا كنت بشده منه جات الطلقه فى كتف جميلة حاولت اسحبه منه خرجت طلقه من غير قصد فى قلبه لكن انا مكنتش هقتله ولو هقتله هو هقتلها هى ليه .. دى صاحبتى وعمرى ما افكر آذيها
خبط الباب سمح الظابط له بالدخول
دخل ظابط آخر : جميلة فاقت والدكتور قال نقدر نستجوبها
الظابط : كويس استعدو يلا نروح حالا
*************
دخلو الظباط المستشفى يسألو موظفه الاستقبال على جميلة
وصلتهم لحد باب غرفتها وتركتهم
خبط الظابط
والدتها فتحت الباب اتصدمت فهى لم تعرف اى شئ
الظابط وجه حديثه مع جميلة : عامله ايه دلوقت .. الدكتور بيقول انك بقيتى كويسه
جميلة حاولت ان تنهض من السرير
الظابط : خليكى احنا جايين نسألك بس كام سؤال
والدتها بقلق : ليه ياحضره الظابط بنتى مالها بالحوار ده .. بنتى معملتش حاجه ده هى اللى متصابه
الظابط : وعشان كده احنا هنا عشان نعرف نجبلها حقها
جميلة : ياماما ممكن تروحى تجبيلى حاجه اشربها عشان حاسه دايخه
والدتها : حاضر حبيبتى
خرجت والدتها
جميلة : حضرتك ماما متعرفش اى حاجه ياريت متقولهاش انا قولتلها كانت خناقه فى الشارع وجات فيا بالغلط
الظابط : طيب ممكن تعرفينا ايه اللى حصل بالظبط مصطفى بيقول ان …….
وقص لها كل ما قاله مصطفى فى التحقيق
ثم سالها : الكلام ده صح ؟!
جميلة : ايوه صح
الظابط : يعنى مصطفى محاولش يقتلك
جميلة : لا لا مصطفى ميقتلنيش .. ده جات فيا بالغلط بسبب الشد اللى حصل مبينهم
الظابط : جلال كان بيهددك بايه
جميلة : بيهددنى أنا ؟!
مصطفى : مصطفى قال كده فى التحقيق انه بيهددك ياما تدفعيله فلوس ياما يفضل يتعرضلك عشان كده روحتو الشقه عشان مصطفى يديله فلوس ويبعد عنك
جميلة : اه صح
الظابط : بيهددك بايه .. ايه اللى كان بينك وبينه ؟!
جميلة : كنا مرتبطين عادى زى اى اتنين ومتفقين على الجواز وسبنا بعض
والظابط : وايه السبب اللى خلاكو تسيبو بعض
جميلة : خانى فعشان كده سبته
والدتها جاءت بالعصير
الظابط قام وقبل ان يذهب وجه حديثه لجميلة : حابه تقولى حاجه تانى
جميلة : لا حضرتك قولت كل اللى اعرفه
والدتها : عرفتو اللى كان عايز يقتلها ؟!
الظابط : خير ان شاء الله هنعرفه …. اسيبك ترتاحى
وخرجوا من غرفتها
والدتها : انا سالت الدكتور وقالى هتخرجى النهارده
***************
مصطفى وكل محامى له والذى اخرجه من القضيه بكل سهولة فأصبحت قضية قتل غير متعمد فخرج فى الحال
وأول شئ فعله مصطفى ذهب لبيت جميلة ليطمئن عليها
فتحت له والدتها نظرت له : انت مين ؟!
مصطفى يحمل فى يده علبه شيكولاته
رد : أنا مصطفى زميل جميلة فى الشغل .. لسه عارف وجيت اطمن عليها
والدتها : ادخل ياابنى اتفضل
دخل مصطفى ووضع علبة الشيكولاته على تربيزه الصالون
والدتها : اتفضل ارتاح … جميلة نايمة هصحيهالك
والدتها : جميلة اصحى .. فى واحد بره بيقول زميلك فى الشغل
استيقظت جميلة : مين ده ؟!
والدتها : مش فاكره قال اسمه ايه .. اصحى لحد مجهز حاجه يأكلها مع الشاى
جميلة استيقظت واتصدمت أول ما شافت مصطفى فى اوضه الصالون
جميلة بانفعال : انت ايه اللى جابك هناااا ؟! … مشفتش فى بجحتك الصراحة
مصطفى : اهدى ووطى صوتك … انا أول معرفت فى القسم انك قومتى بالسلامه فرحت اوى وحبيت اول حاجه اشوفها انتى واطمن عليكى انتى كويسه ؟!
جميلة بغضب : كويسه ؟! … لا ده انت بجح بقى .. انت موتنى وبتقولى كويسه ؟! … انت مش شايف