رواية قيد حب الفصل السادس 6 بقلم شيما سعيد – للقراءة المباشرة والتحميل pdf

إبتسمت ببراءة طفلة صغيرة وقالت:

_ طيب عملت كدة ليه ؟!..

تنهد بثقل وقال:

_ أيوة خوف عليكي، أبويا مش راجل ممكن يقبل كلمة لأ، أنا إبنه مهما حصل مستحيل يأذيني لكن أنتِ لو حس أنك ضد ما هو عايز هيعمل كل حاجة وحشة، يمكن أبقي أناني لأني دخلتك في اللعبة دي بس العيب فيكي بقي..

أشارت على نفسها بتعجب مردفة:

أومأ إليها بنعومة مردفاً:

_ امممم فيكي أنتِ اسمي من بين شفايفك الحلوين دول جنني خلاني عايزك… عايزك بجنون عشان كدة عملت كل ده عشان تبقي بتاعتي وفي حضني..

كلماته معسولة تضغط على قلبها بقوة، فقالت بقلة حيلة:

_ طيب هو أنا هفضل في السر كدة على طول ؟!..

نفي بحركة بسيطة من رأسه وقال:

_ لأ فترة صغيرة وبعدها هقوله، وبعدين مين قالك أنك في السر الكل عارف إنك مراتي يا سما إلا هو وماما..

_ هي مامتك زيه كدة ؟!..

_ أمي أحن ست في الدنيا وأنا متأكد إنها هتحبك أوي..

_ طيب مخبي عليها ليه ؟!..

_ لأنها فتانة يا سما..

ضحكت سما بخفة فشعر كأنه انتصر بحرب، سألها ببراءة:

_ سامحتيني يا أم مراد ؟!..

وهل هي بمكانة تسمح إليه بشئ أخر غير السماح ؟!.. لا والله على رأي المثل ” اللي يجي لك بالغصب خدوا بالرضا” حدقت به بدلال ثم قالت بنعومة:

_ أنت عارف أنا عاملة لك إيه على الغدا النهاردة ؟!..