رواية قيد حب الفصل الرابع 4 بقلم شيما سعيد – للقراءة المباشرة والتحميل pdf

بواسطة admin / يناير 12, 2026

_ أنت مجنون يا إبني عايز تجيب شقة جنب أبوك..

_ سيبك أبو عليا أنا هتصرف..

______ شيما سعيد ______

فتحت السيدة نوال باب منزلها بعد عدة دقات سريعة على الجرس، أتسعت عينيها برعب مردفة:

_ سما ؟!.. في إيه مالك يا بنتي ؟!..

تدخل سعد بهدوء:

_ معلش يا خالتي ندخل الأول وبعدين نبقي نتكلم..

أبتعدت عن الباب فدلفوا أغلقت الباب خلفهما مردفة:

_ في إيه يا بت وأنت يا سعد بتعمل إيه هنا حد ينطق..

بكت سما بقهر مردفة:

_ مصطفى طلع كداب يا ماما..

_ كداب إزاي عمل لك ايه ؟؟..

إجابتها بخجل وحسرة:

_ باباه عايش وجه عندنا الشقة ومصطفى قال عليا واحدة وحشة دافع ليها فلوس..

_____ شيما سعيد ____

جلس السيد حسام على رأس الطاولة وبجواره من جهة اليمين مصطفي واليسار السيدة سميرة وبجوارها عز، قام مصطفى من مكانه مردفاً:

_ أنا لأزم أمشي دلوقتي عندي شغل مهم..

أجابه السيد حسام بهدوء:

_ شغل زي بتاع إمبارح كدة ؟!..

_ هو في شغل إمبارح البضاعة عجبتني وتلزمني شوية كمان..

أبتسم السيد حسام وقال:

_ أنت حر أعمل إللي يريحك المهم تبقي عارف بتعمل إيه وحدودك فين وتقف عندها..

_ عارف يا سيادة اللوا..

ذهب بخطوات سريعة لتقول السيدة سميرة بتعجب:

_ هو في إيه يا حسام كلامكم كله ألغاز ؟؟..

فصول الرواية: 1 2 3 4 5 6 7 8 9 10 11 12 13 14 15 16