رواية قيد حب الفصل الخامس 5 بقلم شيما سعيد – للقراءة المباشرة والتحميل pdf
_ هو في ايه يا عز والدك عايز مني إيه؟!.. أنا والله العظيم من ساعة ما جيت طلعت من اوضتي…
أبتسم إليها عز بهدوء مردفاً:
_ اهدي أكيد عايز يرحب بيكي مش أكتر، بس هو اسلوبه كده كأنك في أمن الدولة تعالي ندخل..
_ أنت هتدخل معايا؟!..
_ والله يا بنتي أنا لا عايز أدخل ولا نيلة بس هو طلبني أنا كمان معاكي اتحركي يلا..
أومأت إليه بقلق وتحركت أمامه، حدق بها من الخلف ويا ليته لم يفعل، فستان من اللون الأصفر يلتصق على جسدها لتظهر أقل تفصيلة بجسدها، فصرخ بغضب:
_ استني هنا يا بت..
أنتفضت بخوف مردفة:
_ إيه في إيه ؟!..
جذبها لتعود خطوتين الي الخلف وقال:
_ اطلعي غيري الفستان ده والبسي لك عباية سودة ولا حاجة..
عقدت حاجبها بتعجب مردفة:
_ عباية سودة ؟!..
_ ما هو جسم أمك ده مش هينفع معاه غير عبايه سودة وعبايه واسعة كمان، عشان نعرف نعيش الأيام الجاية مع بعض من غير تحرش.. ..
أتسعت عينيها بذهول لتهمس برعب:
أومأ إليها مردفاً:
_ آمال أنتِ فاكرة إيه… أنا مش قايلك مصطفى أخويا زبالة ازاي؟..
أومأت إليه بخوف مردفة:
_ أيوة أنت قولت فعلا بس الفستان طويل ومقفول أهو.
_ هو فعلا طويل ومقفول بس ضيق وأنا نسيت أسألك حاجه مهمة من اول ما شوفتك..