ــــ عيب عليك يلا سلام…
…….
ــــ رقيه… هتف باسم شقيقته لتخرج وهي تنظر له باستغراب من وجوده.
ــــ ادهم جيت امتي…. احتضنته فبادلها بحنان اخوي وقال بابتسامه..
ــــ لسه مش عاوزاني اجي… نفت براسها وقالت بينما تدفن وجهها في حضنه اكثر.
ــــ لا طبعا انا عاوزاك تفضل معايا علي طول متبعدش عني لحظه واحده…
ــــ حبيبتي تعالي عاوز اتكلم معاكي في موضوع مهم… جلس علي الفراش وهي بجواره، اخذها بين يديه وقال… “عارفه من يوم ما اتولدتي وانا بحسك انك بنتي، لحد اللحظه الي طلب ايدك فيها كنت لسه شايفك عيله صغيره مش مصدق انك كبرتي اوي كده، لدرجه انك ممكن تتخطفي مني في اي لحظه، حتي اني مش متخيل ان فيه واحد هييجي يقاسمنى فيكي…
ــــ مش فاهمه يا ادهم..
ــــ في عريس متقدملك وطالب ايدك وهو انسان كويس جدا ومحترم وبيحبك…. سحبت وجهها بقوه وهي تنظر له بخوف من ان يكون شخصا اخر..
ــــ مين…
ــــ مالك يا حبيبتي انا مش هاجبرك علي حاجه اساسا انتي لو مش عاوزه عادي ارفضي، بصي انا هقولك علي كل مواصفاته وانتي كده كده عرفاه وفكري براحتك …
ــــ حاضر بس هو مين..
ــــ مراون صاحبي انتي عارفاه طبعا، هو بيحبك اوي واعترفلي بكده وكمان شاب ممتاز … تسارعت دقات قلبها فور ان ذكر اسمه، تذكرت ذلك اليوم في المشفي كيف اعترف لها بحبه وافصاحه عن نيه التقدم لها، اخفضت عينيها بعيدا عنه بينما ظل. منتظرا ان ترد عليه..