ــــ تمام شكرا يا تقي تقدري تروحي انتي خدي بالك من نفسك كويس ولما توصلي رني عالية مفهوم مش عاوز عند…. ظهرت معالم الانزعاج علي وجهها من كلامه عنها وقالت بتبرم.
ــــ فهمه، قال عند قال علي اساس ان ده بينفع معاك… نظر لها بطرف عينه وقال بغرور.
ــــ بتقولى حاجة يا تقي….
ــــ لا يا فندم عن اذنك….فور مغادرتها سريعا ابتسم هو عليها ثم تابع عمله، بينما اخذت تقي اغراضها وتوجهت إلى الخارج سريعا فقد تاخرت قليلا اليوم وتعلم كيف تقلق عليها ولادتها.
دخلت الي شقتهم لتسمع صوت والدتها القادم من المطبخ، وضعت حقيبتها وتوجهت لها سريعا.
ــــ ماما انا جيت وهموت من الجوع يا حاجه…. ضحكت عليها ولادتها واشارت لها ان تخرط الملوخية.
ــــ طيب يلا ياختي خرطي الملوخية عشان الشوربة بتغلى.
ــــ حاضر يا فندم..
………….
في احد الشقق في قنا، كان هناك أربع رجال أقوياء البنية يقفون امام رامز الذي يريح جسده على الاريكه بكل بساطة وعدم اهتمام بما حوله.
ــــ يا رامز بية اللي بتطلبه ده انتحار وبعدين احنا لحد دلوقتي ما قدرناش نحدد هيا في القصر ولا لاء….
ــــ ممم انتحار هو انا ليه حاسس انك بتمشي كلامك علي كلامي يظهر اني اتسهلت معاك يا منعم.
ــــ ابدا يا فندم مش ده اللي قصدي عليه، انا متاكد انها هتكون سابت القصر لانهم عرفو انك نزلت وده وحدو يخلينا ننتبه علي كل خطوه وخصوصا ان سراب قدمت ملفات تدين حضرتك في حاجات كتير.