ــــ اتجوز مين يا رجل انت، انت فاكرني ايه قوم اطلع بره وايك تيجي هنا تاني….. نهض اف جي فور أن انتهت من كلامها لتتراجع بخوف الى الخلف، بينما توقف هو أمامها….
ــــ مش هاحسبك علي الي حصل ده دلوقتي بس هحاسبك لما تبقي في بيتي، وانصحك تقبلي بهدوء عشان مش انا اللى اسيب حاجة تخصني تمام يا حببتي…. قالها وهو يربت على وجنتها بعدم اكتراث وكأنها لم تطردة منذ قليل، تجمعت الدموع في عينها وهي تنظر له بخوف.
ــــ انت عايز مني ايه مش انا طلعت بتاع رجله وبتعجبني نظرتهم ليا خلاص سيبني في حالي بقي.
ــــ انتي عارفه اني بحترمك وبقدرك وان اللي قلته ده خرج مني من غير ما اقصد عشان كنت متنرفز واعتذرت لك، تقي انا مش هسيبك فهمه عشان انا بحبك ومستحيل اخلي حد تاني يخد مكاني في حياتك….
ــــ انا مش هكون ليك ولا لغيرك انا مش هتجوز اساسا افهم ده….
ــــ ليه ليه بتقولي كده….. ظلت صامته لم تجبه لتبدأ تلك الشكوك تراوده بينما سكوتها لا يساعده على التفكير في غير ذلك…. “ردي عليه متجننيش ليه مينفعش تتجوزي….
ــــ ع. عشان في.. ناس مسئوله مني انا ابويه مقعد عنده شلل رباعي وامي ست بيت ذي ما شفتها مقدرش اسيبهم وروح اتجوز مين هيصرف عليهم…..