ــــ عمتي متكلميش رتاج كده متنسيش انها مرات اخويه وهو الي يحدد هيا قعده في بيت منين، وبعدين ده بيت جدي سليم يعني هو الي يتكلم مش حضرتك….. ردت بكل قوه وهي تنظر الى عماتها بنفور وضح بعد ان وقفت امام خديجه وريتاج، نظر لها باستغراب من تلك القوة التي تمتلكها تلك الصغيرة….
،
ــــ انتي اتجننتي يا شهد خلاص مبقاش عندك احترام لحد يا قليله الادب….
ــــ هتجيبي سيره مراتي هتصرف تصرف مش هيعجبك فاهمه ولا لاء وبنسبه للبيت احنا مشيين ميشرفنيش اقعد مع وحده زيك في نفس البيت…
ــــ اياد في ايه…. هتف احمد بها وهو يتجه لهم، استغراب من وقوف رتاج خلف خديجة بخوف…. ” رتاج تعالي هنا يا حبيبتي واقفه ليه كده…. توجهت له سريعا بعد ان شعرت أخيرا بالأمان من وجوده بجوارها…
ــــ احمد انا هاخد امي ومراتي وهرجع القاهره ولما تحددي معاد الفرح هبقى اجي…
ــــ ايه الي حصل احنا اتفقنا ان الاسبوع اللي جي الفرح…
ــــ علشان مش هقعد في بيت اتهنت فيه….. نظر الي عمته بحده وقال بصوت صارم…
ــــ اياد لو سمحت اتفضل معايا دلوقتي علي اوضتك عاوز اتكلم معاك….
ــــ مش هتتهنى بيها
……..
توقفت سيارة أمام قصر مهول الشكل، كان الحجر القديم ومع ذلك تصميم عصري مبهر،نظرت الي المكان برهبه ودهشه في نفس الوقت…..