ــــ ح حازم انت مضايق انا مش عاوز اكذب عليك وقلت لك علي كل حاجه انا مكنش في ايدي حاجه اعملها.
ــــ مش زعلان يا سراب وانا مبسوط انك قولتيلي كل حاجه، انا سالتك عشان عاوز اعرف منك مش من حد تاني فهمه، واوعدك اني هجبلك الكلب ده لحد عندك يركع تحت رجليكي…… ابتسمت له بسعاده كبيره فلاول مره تشعر بأن لها سند وظهر بعد موت والدها
ــــ شكرا اوى يا حازم مش عارفه اقولك ايه…مرر يده على راسها وقال بلطف. …
ــــ مش عايزك تقولي اي حاجه عاوزك بس تخلصي علي الاكل ده كلو تمام….اومأت بخجل شديد بعد أن رأت انها أوشكت على إنهاء الطعام بكامله لتضع يدها على فمها بصدمه وقالت
ــــ انا اكلت كل ده مش مصدقه…
ــــ بل هناء والشفاء يلا بقي كملي…. وضعت يدها علي فمها وهي تنفي براسها.
ــــ لا مش قادره انا اكلت كتير…. تنهد وابعد خصلات شعرها المبللة عن وجنتيها وجبينها.
ــــ احنا هنفضل هنا مده مش عايزك تقرب من عمي فتحي ولا كمال ابنو ولا امي ولا عمتي انتي فاهمه.
ــــ طيب ليه هما وحشين اوي كده…. نفي براسها ثم اقترب منها واحاط كتفها بحركه تلقائيه لم تمانع هي فحقا قربه منها لا يزعجها ابدا بل تشعر بالامان اكثر بالقرب منه ، ابتسم دخله عندما لم تبعده ظن أن رد فعلها سوف تكون اعنف، ذد من ضمها وقال.