بيجاد قام عدل نفسة وبان عليه الاهتمام وقال
خير ليه في ايه مش فاهم حاجة ايه المشكله لو نامت يعني
محمد
/ بص يا بيجاد واسمع كلام ده واحفظه
مسك لما بتزعل قوي بتنام و مخها بيصورلها أن نوم حيخليها تهرب من واقع فا بتخش في شبه غيبوبة بتقعد فيها يومين او تلاته علي حسب حجم المشكلة وجسمها بياخد وضع الجنين
بيجاد:
والحالة دي عندها من زمان
محمد/
من ساعة خبر وفاه والدتها مسك كانت معاها في مستشفى وهي اللي اخدت الصدمة
فاضلت ساكتة لحد ما روحت وما اتكلمتش مع حد اخدت بعضها ونامت فضلت نايمة خمس ايام متواصله
بيجاد باهتمام:
ماراحتش الدكتور
محمد
ازاي بقي لفينا علي دكاترة كتير وكلهم بيقولوا دي حاله نفسية للهروب من الواقع بالنوم ونصحونا ساعة مشكله تكون مسك تحت نظرنا ما تنمش لحد ما تتحل مشكله
قطع كلامهم دخول امجد
امجد
٠/خير يا عرسان حاطين راسكم في روس بعض ليه خيبة لتكونوا ندمتم علي العملتوه في نفسكم اوعوا بتفكروا تخلعوا اوعوا تعملوها لوحدكم من غيري انتم حرين يا نعيش عيشه فل يا نموت احنا الكل
بيجاد/
يابني اهدي علي نفسك انت لحقت انت عريس جديد لسة فين ندي تسمعك وانت بتقول كده
امجد
/ ربنا يجعل كلامنا خافيف عليها
بس علي رايك السنجلة چنتله معرفش انت ايه اللي حاصلك يا ملك العزوبية. شكلنا حسدناك علي حريتك