امجد؛
يالهوي انا غبت اسبوع بس مش سنه كل ده حصل في اسبوع . وماجد اتجنن ازاي يعمل كده اكيد جري لمخه حاجة
وقوليلي مين بقي بتكون ربه الصون والعفاف اللي قدرت توقع ملك العزوبية في شر أعماله اكيد محصلتش
مروة:
هنا بقي بيت القصيد مشكله كلها هنا البت ملكة جمال عندك حق ومش اي جمال جمال يدوخ الحجر
امجد:
طايب تمام في ايه بقي كلنا عارفين أن بيجاد مش حا توقعة غير حورية طالعة من البحر. او جنية من تحت الارض
مروة :
هي فعلا حورية من الجنه مش من الماية بس الحلو ما بيكملش عارف انت البت بتكون مين
امجد وهو يزغدها في يدها :
ما تنطقي بقي يا مفعوصة. انا فايق اقعد احل فوازير .
انتي حتنقطيني بكلام اخلصي بدل ما اعلقك علي حيطة
مروة :
اولا ماتقدرش تعلقني علشان ابوك علي اخره ثانيا خد التقيله البت بتكون مسك بنت فايز كلاف البهايم وانت عارف قوانين ابوك في الجواز. ازاي
اطلق امجد صافرة اعجاب يخربيت عقلك يا بيجاد البت طلقه الصراحة بس حيعمل ايه مع ابوكي ده وقع في شر أعماله كده
مروة :
خد الاتقل بقي ابوك اجبره علي جوزاه وفرحهم يوم الخميس الجاي
امجد بعتحب:
وكتاب الله المجيد بتتكلمي جد يا مفعوصة ولا بتسرحي بيا زي عادتك
مروة :
/وغلاوتك جد انت مش شايف دنيا عاملة ازاي