سفر دايما يا جماعة تصبحوا علي خير
اشجان /
انت ما اكلتش يا بني حاجة من الصبح
انا واقفة من صبح بعملك الاكل اللي بتحبه تيجي تقوم من غير. ما حاكل
بيجاد
/معلش يا امي سامحيني مش قادر اكل من فضلك سبيني علي راحتي بالله عليكي والقي نظره علي والده وهو طالع نظرة لوم وعتاب
مروة قامت هي الأخري وقال بغضب
تصبحوا علي خير
اشجان/
وانتي كمان مش حتاكلي يا مروة
مروة /
لا شبعت الف هنا علي فاطمة مش المهم هي بتاكل مش مشكله الباقي بقي
فاطمة
قاصدك ايه يا مروة مش فاهمة
مروة/
لا قاصدي ولا قاصدك انا طالعة انام احسن
ندي/
عن اذنكم خوديني معاكي يا مروة
ماجد /
انا كمان شبعان يسلموا و الف هنا عليكي يا ام فرح. سفر دايما
اشجان بصت لمحمود نظره هو فاهمها كويس أنه ظلم مسك
طلع بيجاد لقي مسك منكمشة علي نفسها دموعها علي خدها
بيجاد
/مسكي مسكي قومي ما تناميش حقك عليا أنا علشان خاطري
مسك
بيجاد من فضلك عاوزه انام لو سمحت
بيجاد
/اصحي بالله عليكي أنا ادخلت لما لقيت بابا دخل في موضوع علشان ما تركبيش نفسك غلط وحقك يضيع مسك /
خلاص يا بيجاد مش زعلان بس سبني انام
سمعوا خبط جامد علي قام بيجاد يفتح الباب
دخلت مروة وندي
مروة/
مساؤؤؤ غلاسة بقااا انا جاية ارخم
بيجاد /
تعالوا يا بنات شوفوا مسك مش عاوزة تصحي و عمال اقول لها متزعليش
ندي/
هي مش حتصحي بس لاء دي حتقوم تلبس كمان
امجد عازمنا علي عشا في المركز علشان تحتفل بالحمل بتاعي
بيجاد/
واللهي فكرة وغمز ليهم يغلسوا عليها
ندي /
يلا بقي يا مسك قومي علشان خاطري واللهي حزعل منك علشان خاطر النونو بقي
مسك سامحيني يا ندى بجد تعبانه
مروة /
وسعي كده يا ندي بقولك ايه يا مسك انتي تقومي وتلبسي اشيك حاجة عندك واتشيكي و تغظيها و تسببها تاكل في نفسها
ندي
/ ايو بقا هو ده الكلام ولا انتي يا مسك رافعتي الرايا واستسلمتي انا معرفش عنك انك ضعيفة قوي كده
مسك
/لا انا مش ضعيفة انا كل اللي مزعلني أن انا معملتش حاجة و بابا الحاج جه عليا انا
مروة /
والله ابوكي الحاج بيجي علينا كلنا علشان خاطر فاطمة مش عليكي الوحدك يلا بقي ما تبقيش رخمة عاوزاكي عروسة
مسك /
ماشي انا كمان حموت من جوع وقامت نطت من السرير
مروة /
و احنا كمان حنروح نلبس يلا يا ندي
خرجوا فقل بيجاد وراهم الباب وراح لمسك
بيجاد/ علشان خاطري وحيات بيجاد عندك ابعدي عن فاطمة خالص فاطمة سماوية و بتكره حتي نفسها
مسك /بيجاد انا كفيلة با فاطمة انا بس اللي مستغربة. بباك ليه كل عداوة دي ليا
بيجاد /كبري دماغك يا مسك علشان خاطري
جاهزوا جميعهم ونزلوا كان الكل قاعد تحت فاطمة شافتهم تنحت
اشجان /علي فين العزم يا شباب
مروة / ماجد عزمنا علي عشا برا
محمود /ما الاكل مالي المطبخ مش لاقي اللي ياكله
امجد /احنا رايحين نحتفل يا بابا
محمود / تحتفلوا با ايه متفرحونا معاكم بقي
امجد /ما انا كنت ناوي اقولكم علي عشا بس ام فرح قامت بالواجب كالعاده
اشجان / فرحونا معاكم بقي نفسي افرح يا ولاد بقي
ندي / انا حامل يا ماما
اشجان / يا الف بركة يا الف نهار ابيض الف مبروووك يا بنتي كده بردو تخبوا خبر حلو زي كده
ندي/ انا ما قدرش اخبي عليكي يا ست الحبايب بس اللي حصل علي العشا الله يسمحة اللي كان السبب
بيجاد /طاب ايه مش يلا علشان متاخرش
محمود/ وانتم ما اختوش معاكم ام فرح ليه قومي اللبس يا فاطمة و روحي معاهم
البنات بصوا لبعض
مسك ميلت علي ندي و بصوت واطي
مسك اعملي حسابك هي لو جات انا مش خارجة
ندي /اهدي امجد حيتصرف
اشجان /. لحظت غضب البنات غمزت لهم يطمنوا في ايه يا حاج فاطمة عيالها صغار علشان كده ماتقدرش تخرج معاهم
محمود / و ايه يا عني تاخدهم معاها
مروة شهقت
امجد./ معلش يا حاجة مرة تانية احنا اتاخرنا يلا بيجاد سلام يا جماعة يالا يا بيجاد اخلص بقا
خرجوا بسرعة و ما عطوش فرصة لمحمود يرد أو فاطمة تقوم من مكانها
اشجان /علي وشها ابتسامة معلش بقي يا فاطمة علشان عيالك انا داخلة انام تصبحوا علي خير
خرجوا واتعشوا برا وقضوا يوم حلو
وفاطمة قاعده بتأكل في نفسها
دخل محمود ينام
محمود انتي لسه صاحية يا حاجة
اشجان مستنياك يا حاج علشان ليا عتاب عليك
محمود /خير يا حاجة في ايه
اتعدلت اشجان في جلستها
اشجان/يعني ينفع اللي حصل ده ياحاج ليه انت تحشر نفسك بنهم و لاء كمان تيجي علي البنت الغلبانه و تكسر خاطرها انت ناسي أن عندنا بنت وبتقول يارب استرها معاها ضمنا العيلة اللي حا تخش وسطهم ايه
وانت اكتر حد عارف مرات ابنك فاطمة و أنها مش بتحب حد وغلطة في مسك لا وعاوز كمان تخليها تخرج معاهم و انت عارف. انهم مش عا وزنها معاهم
محمود /يعني انتي كنتي عاوزاني أنصف مسك علي فاطمة و تروح فاطمة تقول لابوها وشغلي يوقف صح
اشجان/انت كل اللي يهمك شغلك و بس لكن عيالك مش مشكله عندك