محمود/تطلق مسك أو
فجاءة تعالت شهقات الموجودين ثم أكمل كلامة .
يا اما تتجوز عليها احلام بنت خالتك واحدة من عيله محترمة وحترفعك معاها لفوق ومسك تفضل بس قدام الكل خدامة في سرايا وخليها معاك تشبع رغباتك فيها البنت حلوة بردو وأنا أظن أن الحل تاني حاينسبك اكتر وده اخر كلام عندي يا بيجاد ومش حتراجع فيه
عمت حاله من الصمت المميت في مكان وكان الكل تحول إلى تماثيل بدون روح
ولكن قطع الصمت صوت ارتطام شيء ما علي الارض أصدر صوت عالي وكان هذا الارتطام صوت وقوع مسك علي الأرض
و بعد برهه من الزمن استوعب الحاضرين اللي حصل. وجرو بسرعة علي مسك وكان اسبقهم بيجاد
جري بيجاد بسرعة وحملها و عنية كلها حصره ودموع ولأول مرة تنزل دموع بيجاد أمام اخواته دموع عجز وقلت حيله وقهر
مروة / بخضة بيجاد طلعها علي فوق بسرعة و حد منكم يبعت يجيب دكتور بسرعة
الكل كان مسهم وغيامة الحزن عامة على مكان وعنصر المفجاءة مسيطر علي الكل
مروة /في ااايه بقول دكتور بسرعة ماجد اتصل يلا في ايه هات دكتور مسك تعبانه
جري ماجد علي تليفون واتصل بدكتور المركز
فاطمة / هو انتم خال عليكم التمثلية دي كهن حريم وكلنا عارفينه عاوز تستطعفنا مش اكتر لما عرفت انها حترجع لاصلها خدامة قالت أمسل عليهم التمثلية الخايبه دي ما تعرفش أن أبا الحاج مش بيخيل عليه كهن حريم ده
ندي/ بعصبية واول مرة صوتها يعلي انتي ايه يا شيخة ااايه استحاله اللي بينبض جواكي ده قلب اكيد شيلاه وحاطه مكانه حجر استحالة تكوني بني آدم زينا استحالة ايه كمية السواد اللي جواكي دي
فاطمة /بصوت عالي في ايه يا ندي ما تفوقي لنفسك ولا عاوزاني افوقك
ندي/بقولك ايه يا فاطمة لا انتي ولا عشرة زيك تقدري عليا ارحمينا من كمية السم اللي جواكي دي كلها علشان خلاص انا زهقت وجبت اخري اتقي الله بقي يا شيخة
مروة/ ندي انتي حا تقعدي تتخانقي معاها دي واحدة مش بتحس من اصله ما تتعيبش نفسك تعالي نطلع نبص علي مسك علي بال الدكتور ما يجي يلا من هنا احسن نفسي بتغم عليا لما يشوفها
فاطمة /حتي انتي يا مفعوصة طالعلك صوت