عواطف/ وانا حا بتكم زي اولادي وربنا يعلم صحيح رخمت كتير عليكم بس كان لمصلاحتكم
فايز / خلاص يا عواطف بقي البنت اتاخرت
والتفت لمسك ماشي يا حببتي قومي روحي علشان متتأخريش ابقي تعالي يا مسك و اسألي علينا احنا لوحدينا يا بنتي
مسك وهي ماشية /حاضر يا ابويا من عنيا وعنيها دمعت علشنهم
مشت مسك وعلي وجهها علامات زهق أنها راجعة تاني السريا
دخلت من باب السريا وسمعة صوتهم من برا كان عالي جدا والكل بيتكلم في نفس واحد و الصوت علي بس مش واضح قربت مسك علشان تعرف ايه اللي بيحصل وسمعت كلامهم ولسة حاتمشي علشان متتصنتش عليهم سمعت بيجاد بيتكلم بعصيبة اوفر قوي حب فضول خلاها نقف تسمع
بيجاد /ماشي خلاصت الكلام علشان بس نعرف نعيش كلنا مرتاحين ايه اللي يريحك يا حاج و انا اعمله انت مش موافق أن اسيب البيت وامشي قولي ايه اللي يريحك يا حاج وانا أعملة علي طول
محمود /متاكد من كلامك ده يا بيجاد وحتعمل اللي يريحني
بيجاد /طلما اللي حتقول عليه حا يخلينا كلنا عايشين في سلام انا راضي يا حاج
محمود /قدامك حل من الاتنين
الكل قام واقفين في انتظار كلام ابوهم لأن كلهم عارفين أن قرارات والدهم قاسية ومبالغ فيها وبالذات لما بكون موضوع مش علي هواه بتكون طلبات تعجزية