أدهم بتعب واضح:
_يا ماما عشان خاطري سبيني أعيد ترتيب حياتي …سبيني أحاول أقف على رجلي من تاني وأحقق أحلامي
رقية بعصبية مفرطة :
_وانت ناقصك إيه هنا أبوك فتحلك عيادة كبيرة ليك ولآخوك غير المستشفى الكبيرة اللي بتشتغلوا فيها …عايز إيه تاني ؟!!
إبراهيم بغضب :
_وبعدين بقى مش هنخلص من الموال ده؟!!
ادهم بضيق وقهر:
_أنا اتاخرت عن إذنكم
وتركهم ادهم وخرج من الفيلا وهو يشعر باختناق شديد وكره لكل ما حوله …وبداخله رغبة جامحة في الهرب من تلك الحياة بأكملها
بمجرد خروج أدهم حتى اندفع إبراهيم بغضب:
_أحمد الحق اخوك روح وراه يابني وخفف عنه… بسرعة يا بني
فأومأ أحمد برأسه موافقا واندفع خلف أدهم ليلحقه
في الوقت الذي صرخ إبراهيم بزوجته بغضب:
_أنا نفسي أفهم انت عايزة إيه؟؟ عايزة توصلي لإيه؟؟
ده بدل ماتقولي الحمد لله إن ربنا نجاه بتضغطي عليه تاني …عايزة تموتيه يارقية؟؟
رقية بدموع:
_ألف بعد الشر عليه ..حرام عليك يا إبراهيم أنا عايزة ابني ميبعدش عني كفرت عشان عايزة مصلحته؟
إبراهيم بغضب أقوى:
_تاني عايزة مصلحته …انت نسيتي إن مصلحته من وجهه نظرك كانت هتضيعه قبل كدة تحبي أفكرك وصلتيه لفين قبل كدة؟؟؟
رقية بانهيار وبكاء :
_مكنش قصدي …مكنتش أعرف إنها…..