واخليها تكره الحياة كلها
عمتي كامت تخبز وحدها وتاكل وحدها وتكعد وحدها
بغرفتها انحبست حبسه مالها مثيل
عبالها ووكت وانسى وترجع تطلع وتدخل بكيفها
بس اني وكفتلها وكفه مثل العظم بلبلعوم
ناوي ادمرها دمار تدفع ثمن كل كلمه حجتها على اختي
اكثر شي دمرها الحبسه بلبيت وين جانت النهار كله
يم الجوارين تأكل يم هاي وسوالف على هاي ووين هسه من بابا البيت ماتطلع
حجت وياا ابوي وامي وحتى بيبي حجت عليه
ومرتضى ماقابل على هذا الوضع
بس اني مصمم لو تكعد بغرفتها ومااشوف وجها ولا تطلع ولا تدخل لو ترجع للعرب وتريحني من شكلها
يجيبولها مسواك وبيبي ادزلها فلوس بيد ابوي كلما يجينا
وهيج مدبره أمورها شلون مجان
بس اني كل يوم ازيد عناد اكثر واكثر كرست حياتي
كلها حتى اخذ ثار اختي من عمتي
بعمر الأربعين ابوي كال خلاص لازم تزوج صرت جبير
ونريد نشوف جهالك
بقا بلح عليه هو وامي رغم اني شلت فكرت الزواج
من بالي نهائيا بس امي كامت تبجي تكول راح اموت ماشايفه جهالك
جماعتي والناس المقربه رشحولي بنيه من الولايه
مدرسه حلوه بت ناس دزيت ناس تحجي وياها وافقت