رواية قصة معلم ستيني الفصل الرابع 4 بقلم جمانه السعيدي – للقراءة المباشرة والتحميل pdf
لبست عباتها عمتي وراحت الاهلي حتى تخليهم
يلحكون لان بتهم طلعت من لطريق جاي تحف وتتمكيج
وهيه بعدها بنيه مامزوجه
حجت كدام امي ماتريد المشكله توصل الابوي
امي من اجت زياره هلمره
قررت تاخذ زهور وياها
امي…يله زهور لمي هدومج تردين وياي
ستار…ليش ترد وياج شسوت
امي…عمتك مو راضيه عليها
ستار…وعمتي شنو دخلها بزهور
امي…خاف توصل خبر الابوك وتصير مشكله جبيره
اخذ بتي وياي احسن
ستار…زهور ما تطلع منا عمتي اذا تريد هيه ترجع
للعرب ولا تشوفنا ولا نشوفها
امي…اروح ودير بالك عليها
ستار…يمه شلقصه ترا اني داير بالي عليها
معليج بعمتي
امي…اضبطها شويه ترا عمتك متخبله منها
ستار. عمتي متخبله حتى من ضلها روحي يمه
زهور باامانتي
جمانه السعيدي
عمتي من شافت امي رجعت وحدها تخبلت بزايد
شلون كلامها مايمشي على زهور
شلون زهور تنتصر عليها وتبقى هنا ماترجع وياا امي
قررت ازيد الكلام وتكثر ملح وبهارات
قررت تستخدم الكلام سلاح حتى توكف زهور عد حدها
تكثر من الكلام الموزين عن زهور
واطلع عنها اشاعات صدك وجذب
حتى ابوي يسمع ويجي ياخذها للعرب
وهيج عمتي تنتصر عليها