عيوني وراها وين ماتروح
مجاي اكدر اشوف وحده غيرها
رواية قصة معلم ستيني الفصل الثاني 2 بقلم جمانه السعيدي – للقراءة المباشرة والتحميل pdf
رغم اني عايش بلولايه واشوف كل يوم اشكال واللوان
بس مااكدر اشوف غيرها ابد
رجعنا للولايه واني منتظريطلع التعيين
حتى اصير معلم واشتغل اكثر شغله احبها
تدريس الطلاب
بعد فتره زغيره طلع التعيين وبنفس الوقت مرتضى لازم
يدخل خدمه عسكريه
اول مابديت الدوام بلمدرسه
تفاجئت امي جايه للولايه وتكول راح نخطب المرتضى
ستار.. مرتضى.
امي…..اي مرتضى …يلح يكول اخطبولي
ستار…بس خل يخلص عسكريه يتعين ليش مستعجل
امي…يحبها يحبها من زمان
وهسه يكول اني خلصت دراسه اخطبوها لليه
خاف تروح مني
ستار…بيها الخير انشاء الله
امي….خاف زعلت لان مرتضى راح يعرس قبلك
ستار…لا شنو زعلت اني ما مستعجل على الزواج
امي…كون تريد نخطبلك وتعرسون سوه
ستار…لا اني ماازوج هسه بعد وكت اذا مرتضى مستعجل زوجو بس ماكلتي منو العروس
امي…جا عمتك ماكالتك
عمتي…هو اني شايفته من الدوام للشغل
حتى اللكمه ياكلها بسرعه ويطلع
انا مارضيت مرتضى يعرس كبلك انت الجبير لازم تعرس انت بلاول
امي…مرتضى من زمان يلح على العرس
مو مثل ستار ساكت
ستار….اي خلي يعرس بيها الخير العروس مني