المعهد كان قريب على بيتنا نص ساعه بلسياره
واوصل ونص ساعه ارجع
رواية قصة معلم ستيني الفصل الثاني 2 بقلم جمانه السعيدي – للقراءة المباشرة والتحميل pdf
خلال فترة دراستي مااكدر انزل هواي الاهلي
ايجوز كل ست اشهر انزل مره
لان ارجع من الدوام اطلع للشغل
وبليل تعبان ماعندي وقت اروح الاهلي
بس كنت اتقصد من انزل الاهلي اروح البيت عمي حتى اشوف سليمه
لا احجي وياها ولا أقرب عليها
مجرد سلام عادي بوجود كل الاهل
كلما اروح البيت عمي ابقى كاعد لمن تطلع و اشوفها
احس كلبي يرتاح اذا شفتها
رغم اني الي يشوفني ما يكول عنده هيج سوالف
لان ثكيل جدا وتصرفاتي طبيعيه
اني كنت اتعمد اكتم هذا الحب مااريد احد يعرف بي
جمانه السعيدي
خلصت معهد ونجحت طلعت الاول على المعهد
اما مرتضى كل اجازه نازل الاهلي
كل مناسبه نازل الاهلي
يبقى يوم ويومين
ستار….شعندك هلكد تروح الاهلي
مرتضى….غير اهلي اني مو مثلك مااكدر استغني عنهم
ستار….مااضوج من الطريق اكعد شوف شعندك مواد حضر لو تشوف شغله تشتغل
مرتضى…مااكدر اصبر اذا مااشوف اهلي عبالك مضيع شي
ستار…اني بلكوه اتحمل اروح هناك
احس جاي اضيع وقتي لان اهلي على طول موجودين هنا
بعد ليش رايح جاي