اريد اقنع نفسي كلشي قسمه ونصيب وسليمه مو قسمتي
قسمة مرتضى
رواية قصة معلم ستيني الفصل الثالث 3 بقلم جمانه السعيدي – للقراءة المباشرة والتحميل pdf
بس كلبي شيقنعه اول مره يحب بحياته شلون يقتنع
ويرضا نمت شويه وكعدتني عمتي كالت راح عليك الوكت
اكعد اتريك
كعدت جسمي كله مكسر عبالك طايح من جبل عالي
اول مره اكعد هيج ضايج
ومالي خلك اطلع للدوام بلكوه لبست وطلعت
بدو اهلي يجهزون للعرس ومرتضى بلجيش
التجهيزات كلها مسؤله عنها امي وابوي يساعدها
كل نزله للولايه علمود التجهيزات لازم يمرون علينا ويحجولنا
كل تفاصيل العرس
حتى مرتضى من ينزل مجاز مايجي بيتنا هنا بلولايه
ينزل كبل على اهلي
مامصدك نفسه طاير من الفرح
حقه يفرح سليمه حلوه ومؤدبه وبت ناس
بت عمه يحبها وتحبه
الكل فرحان بلعرس اله اني مااكدر امثل الفرح
مبين على وجهي الحزن
ابوي وعمي عمتي وامي كلهم متوقعين اني زعلان
لان مرتضى راح يزوج قبلي
مايدورون بمصيبتي مالها حل
ازوج مرتضى بليلة عرسه ماكدرت ابقى بيت اهلي
اكو ولد سايق جيران اهلي عنده بيكم
اهلي دائما يااجرو يجيبهم للولايه
رحت علي كتله هسه ترجعني للبيت
حتى ما اترخصت من ابوي وامي وعفت عمتي رجعت وحدي
السايق..سئلني ليش راجع بهليل جان بقيت للصبح
اتحجتت عندي شغل ومااكدر ااجله
جمانه السعيدي