وصلنا لكينا الباب مفتوح
اسيل…بابا بابا
ابوي…تعالن ادخلن
دخلنا لكينا متمدد بغرفته ومتغطي
مريم…سلامتك الف سلامه
ابوي…الله يسلمج
ابوي…بابا اسيل اعرف انتي زعلانة عليه بس اني انضحك عليه الهام كالت دخلن باكت الذهب والفلوس
اسيل….ووينها شو ماكووو
ابوي…بيت اهلها
اسيل…ممكن افتهم شتريد لان ابني بقا يم امي بلبيت
مريم..واني هم بنتي بقت يم عمتي
اسيل…ماعرف ليش كنت احسه يمثل مو مريض لان شكله
طبيعي بس هذا المرض حجه حتى يأثر علينا
ولا نظافه ولا ترتيب
اسيل…هم رجعنا الهاي السالفه
ابوي…بس خل اكمل كلامي اني عرفت هي توضفت
بلعافيه سعاد تستاهل كل خير
مريم…المطلوب شنوووو
ابوي….اسجل هذا البيت باسمجن ثنينجن
ملك صرف محد اله وياجن شي
اسيل…شنو المقابل انت ماتسوي شي بدون مقابل
ابوي…المقابل امج ترجع وراح اخليها بوضيفتها
ومراح اخذ من راتبها شي وراح اقسم البيت بينها وبين الهام كل وحده الها نص وكل وحده بابها وحدها راح اعدل بينهن ثنيينهن جمانه السعيدي
اسيل…. اي وبعدين
ابوي…انتي ليش هيج كارهتني اني ابوج وغلطت
ليش واكفه بوجهي ترا اني متعود على امج وهي متعوده عليه بس هيه جاي تكابر لان انجرحت مشاعرها