عثمان:انتى تقدري تخليه ملتزم ودي حاجه انا متأكد منها وبالنسبه لموضوع أبيه دا مع الوقت والوضع الجديد هتقدري تتقبلى فكرة انه بقى زوجك خلاص فكري يا حبيبتى عشان خاطر أمك دي من ساعه ما عرفت وهيا منهارة اما صدقت لقينا حل
صبا :حاضر يا خالو هفكر واصلى استخاره
عثمان :بس متتأخريش عليا عشان لازم كتب الكتاب يتم قبل ما الأسبوع يخلص لأن جدك هييجى آخر الأسبوع
صبا:حاضر يا خالو
وخرجت من الغرفه ورأها مصعب أثناء خروجها فهز رأسه بأسف حزنا على حالها وحاله
صعدت صبا إلى غرفتها وتوضأت وفرشت سجادة صلاتها وظلت تناجى ربها وتدعوه كى يخفف عنها
وظلت فى غرفتها ولم تنزل معهم لتناول العشاء
عثمان :هيا صبا مش هتيجى تتعشا
صفيه باسف:لا قالت مش جعانه الموضوع صعب عليها صعبانه عليا أوي عشان كدا خليتك انت تكلمها
ضحى :هو فى ايه يا بابا وصبا مالها
عثمان قص عليها كل شيئ فبكت ضحى من أجل صديقتها ورفيقة دربها وصعدت إليها كى تواسيها
وكان مصعب جالسا يستمع إلى حديثهم فقط دون النطق بكلمه
طرقت ضحى الباب على صبا ودخلت وجدتها ممسكه بالمصحف وتبكى وهى تتلو القرآن بصوت عذب
عندما رأتها صبا قالت :-صدق الله العظيم ركدت ضحى تجاهها وخضنتها وظلت الفتاتان تبكيان
وبعد فتره هدأت الفتاتان
صبا :انتى مين قالك
ضحى :بابا
صبا :الحمد لله على كل حال
ضحى :طب انتى هتعملى ايه
صبا :هصلى استخاره قبل ما انام وربنا ييسر الأمور
وبعد فتره من الحديث قالت ضحى بمرح :-انا همشى بقا يا عروسة أخويا
صبا:انت فى ايه وانا فى ايه
ضحى:على فكره يا صبا أبيه مصعب طيب جدا والله انتى عشان مش بتتكلمى مش عارفاه بس هو حنين جدا
صبا:ربنا يقدم اللى فيه الخير
ضحى: انا همشى بقا تصبحى على خير
صبا :وانت من اهل الفردوس
انتهى البارت