معتصم ساخرا: والذوق ده هبط عليك منين فجأة كده .. سبحان الله
ضيق عينيه وتنهد قائلا: تصدق بوظت الدخله اللى كنت راسمها عليك من الآخر كده كنت عايز استأذن ساعتين ثلاثه أخلص شويه حاجات وراجع تانى وطبعا عصوم ملك الجدعنه هيغطينى عما أرجع
رمقه بنظرة ماكرة ثم غمز بعينيه قائلا : امممم شكلك بتحب ورايح تقابل يا سعيد!!
امتزجت ملامح وجهه مابين حنين فى عينيه وبسمه ساخرة على شفتيه وصاح بمرح مصطنع: أحب؟!! ما خلاص….( دلوعتى بين يدى رجل آخر الآن )…..
كست الصدمه ملامح معتصم وسأله بحيرة:
رجل آخر مين ياابنى؟!! انت مش كنت قولت ان مراتك الله يرحمها ماتت وهى بتولد؟!
أجابه: أه الله يرحمها …انا بقول دلوعتى يعنى الحب القديم مش مراتى ركزززز
معتصم: اااه قولتلى …طيب ماانت اتجوزت بعدها ايه المشكله جرب حظك تانى
تصلبت ملامحه وقال بيأس: لا خلاص انا جربت حظى في الحب والجواز …
لم يشأ معتصم ان يزيد أوجاع صاحبه بمزيد من ذلك الكلام فقال بمرح : ماشى يا سيدي اتفضل انت شوف رايح فين واحنا هنا في خدمتك يا باشا
سعيد بامتنان: تسلم يا أجدع دكتور فى المستشفى دى سلام……
……………….
فى قسم أمراض الكلى
صاح دكتور محمد بحماس: ودى الدكتورة علياء القاضي رغم خبرتها القليله