………………….
فى غرفه زينه بالمشفى
ولج معتصم غرفتها مرة أخرى وكانت قد أنهت طعامها عن آخره
فابتسم قائلا: شطوره يازينه…بس ممكن اسألك سؤال؟!.
اومأت إيجابا وهمست: اتفضل يادكتور!!
سألها بجديه: انتى كنتى اكلتى الأكل اللى اعطتهولك امبارح؟!
أجابت زينه باقتضاب وهى تحرك رأسها نفيا: لا..
سألها معتصم بحيرة: ليه؟!!
ابتسمت بخفوت ثم قالت: الواد الطفس ابن عم صبحى خطفها من ايدى وانا نازله من السلم
معتصم: طيب اخر مره أكلتى امتى قبل النهارده؟!
ضيقت عينيها محاوله التذكر ثم هتفت: يوم الجمعه الصبح…
صاح بتعجب شديد: ياااااه يعنى بقالك يومين !!!!!
عشان كده نتايج التحاليل آخر لخبطه…
همست زينه بحزن: ارجوك سيبنى أمشى بقى الله يخليك….
لوى ثغره معترضا : انتى نسيتى بقيه الشروط؟!!
زينه بنفاذ صبر: لسه فيه ايه ثانى!!!
أجابها بجديه: ثانيا تسمحىلى اكشف على رجل حضرتك من الواضح أن فيها مشكله. وانا ملاحظها من امبارح
صاحت بعناد: لا رجلى زينه سيبنى أخرح وهتلاقينى بجرى عليها زى الحصان
اغتاظ بشده من عنادها فأسرع نحوها وضغط بيده علي كاحل قدمها برفق فصرخت متألمة
فصاح بغيظ: هااااا بتصرخى ليه ما دام رجلك كويسة؟!!!
صرخت زينه راجيه: خلاص ….كفايه بالله عليك بتوجع ….
فحصها معتصم بمهنيه ثم وضع لها كريم طبى ثم وضع قدمها فى رباط ضاغط
أما زينه فكانت تشعر بتوتر بالغ وحرج منه
الى ان انتهى وجلس صامتا على المعقد المجاور لفراشها