لم تستطع تحمل هجومه الضاري عليها فالتفتت مغادره المكان وهي تئن بصوت مختنق…
وهو ظل واقفا ينشطر احساسه الاول فرح
بإذلالها ومضايقاته والثاني يحن إليها بقوة…..
…………
فى غرفتها فى المشفى
حاول معتصم تهدأة روعها ليعلم ما الذي أغضبها
بهذه الصوره متناسيه آلامها وضعفها
وقفت تزمجر في وسط الغرفه بحنق: منك لله انت اللي خدعتنى!!!
رمقها بحيرة متزايدة وهتف بعدم فهم: فهمينى بس إيه اللي حصل وأنا هتصرف…أنا مش فاهم حاجه؟!!
صاحت به بغضب : انت اتفقت معى انى جايه
أخيط جرح يدى
جت دكتوره وقالت عايزه أعملك فحص كامل وتحاليل عشان نتطمن عليكى وقالولى دى توصيه من حضرتك
اجابها بهدوء: فعلا انا طلبت يتعملك فحص وتحاليل لأن باين علي وشك الضعف
….مش فاهم برده إيه المشكله؟!!
طرقت الباب الطبيبه المتابعه لحالتها
امتقع وجه زينه حال رؤيتها لها
تكلمت الطبيبه بجديه: لو سمحت يا دكتور معتصم عايزاك فى كلمه على انفراد
معتصم بفضول: طبعا اتفضلي يا دكتوره مى
تنهدت مى بحيرة ثم قالت: هى الحاله دى تبع حضرتك؟! يعنى تعرفها كويس؟
معتصم بتوتر: الحقيقة لا انا اول مره اشوفها النهارده
بس من الواضح انها بنت غلبانه وظروفها صعبة
مى : طيب دلوقتي البنت دى جسمها فيه كدمات بصوره كبيره جدا وواضح انها اتعرضت لاعتداء وضرب
وحشى وأنا شايفه انى لازم أقدم التقرير ده للشرطه
لان واضح إنها متهدده ومش عايزة الموضوع يوصل للشرطه
تقلصت ملامح معتصم وظهر عليه الضيق ثم قالومتسائلا: طيب الاعتداء ده وصل لاى مرحله ؟!
أدركت مى ما يرمى إيه فقالت: الحمد لله الموضوع ما صلش لدرجه اعتداء جنسي لكن ده ما يمنعش انها
اعرضت لضرب وتعذيب ولازم نوصل للي عمل كده
معتصم : مش يمكن يكون حد من أهلها وخايفه عليه!!
هزت مى كتفها وهمست: الله أعلم…
حاول معتصم أن يثنى مى عن فكرة ابلاغ الشرطة
حتى يعلم من زينه قصتها ومن فعل بها كل ذلك…