رواية قبيحة لكن ذكية الفصل التاسع 9 بقلم جمانة السعيدي
رواية قبيحة لكن ذكية الجزء التاسع
رواية قبيحة لكن ذكية البارت التاسع
رواية قبيحة لكن ذكية الحلقة التاسعة
سديت التليفون وماكدرت انام
معقوله استاذ نزار بحبني اني ليش يحبني اكو بنات يخبلن بلمعهد وحسب ونسب
حتى عدنا دكتورات بلمعهد
ليش عافهم كلهم واختارني اني اني انسانه اقل من عاديه
بلعكس اني بشهادة الكل مو حلوه
معقوله يحبني صدك مثل مايكول
اني ليش مقلله من نفسي ترا عادي اكو شكلهن اتعس مني ومزوجات وعايشات حياتهن
مو شرط اكون حلوه حتى اكون مرغوبه
ثاني يوم من طلعت الصبح للدوام لكيته منتضرني
برأس الفرع
جمانه السعيدي
نزل من السباره نزار صباح الخير
اسيل ابتسمت صباح النور شنو منتضرني
نزار الصراحه اي اصعدي خل نحجي اني وياج
صعدت بلسياره ومشينا
نزار اتمنى ماكون جاي اطفل عليج
اسيل لا ماكو اي تطفل
نزار فكرتي بلشغله الي حجينا بيه
اسيل اكيد فكرت بس هيج شغله تحتاج وقت اكثر وتفكير
زايد هذا ارتباط مو يوم ولا يومين
خلينا نفتهم واحد الثاني
اريد منك وقتك منا النهاية السنه اني مااريد اي شي يشغلني عن تحقيق حلمي
وانت هم تاخذ وقت وتفكر اكثر
نزار تمام ماعندي اي مشكله
اسيل ليش اني بلذات
نزار ليش انتي اكيد لان انتي مميزه بلنسبه اليه
اول شي جذبني اللج عقلج وطيبتج واتزانج
ترا اذا على باقي البنات اني احسهن كلهن متشابهات
نفس الملابس ونفس الستايل وهمهن يركضن بس ورا
الموديلات الجديده
ووحده تقلد الثانيه
ماكو بيهن شي مميز حياتهن عباره عن استعراض
استعراض للمكياج والشعر واللبس
بس انتي تختلفين
عقلج ناضج وواعي وابد ماتركضين ورا التفاهات
هو هذا الشي الي حسيتج تتميزين بي
جمانه السعيدي
من هاي اللحظه قوة علاقتنا اني ونزار مصمم يوميه يوصلني ويرجعني للبيت
مره بابا شافه يوصلني
بابا منو هذا
اسيل استاذي بلمعهد
…ليش يوصلج
…يريد يتقدملي
…انتي متأكده استاذ بلجامعه ويريد يتقدملج ويوصلج بسيارته
..اي متأكده بس اني طلبت وقت افكر
…اذا خوش انسان ليش تاجلين الموضوع
…لان خوش انسان مااريد استعجل اريد افكر زين وهو يفكر اكثر
…اذا مقتنعه بي ليش التاجيل
..اريد اخلص معهد واطلع معدل عالي
…اي بس هو استاذ معقوله راح يشغلج عن مستقبلج
…اي الزواج راح ياخرني انجح بلاول وبعدين ازوج
..بس اني مااقبل ترحين وترجعين ويااا كل يوم مااريد يطلع عليج كلام
مو معناها اني ما واثق منج بلعكس كلش واثق منج مثل مااني واثق من نفسي واكثر
بس ايجوز انتي وياا ماتتفقون
ومايتم هذا الارتباط ليش اجيبين النفسج الكلام
اسيل تمام بعد مااصعد ويااا ابد
جمانه السعيدي
بليل وكل العاده اتصل يطمن عليه
اسيل بابا اليوم شافك توصلني
….اي وبعدين
…ماقبل بهذا التصرف
…تردين اجي واحجي وياااا
…لا ماكو داعي
…مستعد من باجر اتقدملج ونعقد وبعد محد اله شي عدنا
…لا اني مامستعجله بس بعد لا تجي تاخذني عادي اني اروح بلخط
…اوكي ماكو مشكله
بعدها كمنا مانلتقي بس بلمعهد وبليل نحجي شويه
طلب مني اعوف شغل العياده واني ماقبلت
هو مو مستنكف من شغلي
بس يكول جاي اتعبين وانتي هاي السنه اخيره
اكعدي وانتبهي الدراستج
بس اني ماقبلت شغلي هذا هواي ساعدني وساعد اهلي
كنت اعيش احلى المشاعر يوميه وياااا
شكد مثقف وانسان متفهم ويتصرف بعقل
بعمره ماحاول يستغلني بلعكس كان يساعدني دائما
جمانه السعيدي
بيوم صمم يعزمني بمطعم يريد يعرفني على امه واخته
طبعا اخته دكتوره صيدلانية مزوجه ومستقره
وهو وامه عايشين سوا بلبيت
لبست نفنوف نيلي طويل كلش حلو من فوك مخصر ومن جوه عريض وبي اقلام ابيض من الحاشيه
وشلة شعري كبايه فوك
ولبست طوك قماش نيلي ونزلت خصله على وجهي وتمكيجت مكياج هادء بس طلع كلش حلو عليه
وصلت لكيتهم واصلين قبلي
الصراحه من شافتني امه واخته بقن يباوعن وحده للثانيه
هلكد مايحجي عني تخيلتني مارلين مو نرو
شفت الدهشة بعيونهن
سلمن عليه سلام بارد
راسا امه سئلتني انت بت منو
اسيل اني بت رجال بسيط عامل باجر يوميه واني اكبر وحده بس انشاء الله اني ناويه اكون دكتوره
راسا نزار خز امه
ماعجبه اصلي وفصلي حقه ابنه استاذ جامعي وتريدله وحده حلوه وبت عائله
اني عادي سويت نفسي ماانتبهت الحركات وجه
كملنا الغدا وهو رجعني للبيت وامه واخته راحن بسيارة اخته
نزلت من السياره طبكت الباب
اسيل استاذ نزار ممكن تتأكد من اهلك قبل لا تكمل وياي
نزار نزلت من السياره اوكفي دقيفه انتي مالج شغل بامي ابد اني الي راح ازوج مو امي
اني الي راح ارتبط
امي بس تعاشرج راح تحبج وتتعود عليج
اسيل ميخالف اني مااريد ادخل واخرب علاقتك بامك
نزار مستحيل اتخلى عنج ابد
دخلت للبيت مااخفي عليكم كلش ضجت
امه حكمت عليه من شكلي بدون ماتعاشرني وتشوف اطباعي
اليوم كان عطلة العياده بدلت وكعدت اقرا
شويه واتصل عليه نزار لان حس اني ضجت من تصرفات امه
…. هااا الحلو شكاعد يسوي
…اقرا
…زين حبيت اطمن عليج اخذي راحتج
جمانه السعيدي
نزار دخلت حرب ويه امي امي تكول موحلوه نريدك تزوج وحده حلوه
واني مصمم لو اسيل لو ماازوج ابد
اني احبه واحب روحه ومستحيل أبدله بوحده ثانيه ابد
بس علمود الشكل
اسيل وصلنا للامتحانات النهائيه وطلبت اجازه من العياده
وحتى نزار طلبت منه مايتصل ببه
بس اشوفه بلمعهد ونسلم واحد على الثاني
الحد ماكملت الامتحانات ونجحت وطلعت من الاوائل
كانت فرحتي ماتنوصف واهلي ماتتخيلون بابا شلون حاضني ويبوس بيه
هنا نزار رجع فتح موضوع زواجنا مره ثانيه
هلمره طلبت منه يقابل بابا
لان الرائي لاخير اله
اخذتله موعد من اهلي واجه قابلهم هو وامه
امه كاعده وعينه ادور بلبيت تحس احنا مو مستواها
عاذرته ابنه الوحيد ويجوز هي عدها مقاييس معينه
تريدها بزوجة ابنه
على العموم تمسك نزار بيه هو الشي الوحيد الي مفرحني ومصبرني
قرينا الفاتحه وقررنا العقد بعد عشر ايام
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قبيحة لكن ذكية)