رواية في قبضة الفهد 3 ( عشق الاحفاد ) كامله وحصريه بقلم جنات – للقراءة المباشرة والتحميل pdf
سيلا:عشان بكرة الصبح هوديك عند اسيل .
مراد رفعه من على الارض:ايوا لو نمت زى الشاطر هوديك من النجمه عند سولا ايه رايك؟
يزن نام على كتف مراد بسرعه ومثل انه نام ومراد وسيلا ضحكو عليه .
ودخلو عشان ينامو .
بقلم الكاتبة جنات
ـــــــــــــــ★ـــــــــــــــ
فى المطار .
هبطت الطيارة الخاصه برجل الاعمال المعروف عالميااا ( جاد ) القادمه من ايطاليا .
استقبله مدير اعماله اللى سبقه على الاسكندريه عشان يظبط كل الامور قبل ما يوصل جاد .
حازم:حمدلله على السلامه يا جاد باشا .
جاد:كل حاجه جاهزة ؟
حازم:طبعا يا باشا زى ما حضرتك امرت …. انا جهزت لحضرتك الڤيلا الخاص بيك .
جاد:هنزل فى اوتيل .
حازم:بس يا باشا .
جاد بحده:كلمتى مش بحب اكررها يا حازم اظن مش اول مرة تتعامل معايا .
حازم:امرك يا باشا .
خرجو من المطار وكانت عربيه الحراسه فى انتظارهم .
جاد ركب عربيته وحازم ركب جمب السواق واتحركو على افخم فندق فى الاسكندريه .
( جاد )
٣٥ سنه .
اتولد وعاش فى ايطاليا من ام واب مصريين .
عايش مع ابوه .
رجل اعمال فى مجال الهندسه ومعروف عالمياا .
وجاى اسكندريه عشان يفتتح منتجع كبير وده طبعا هيكون من تصميم شركه الفهد .