فهد:احنا هنقضي الليله كلها بنتكلم على الولاد ولا ايه
تمارا رفعت راسها وبصتله:والمفروض نتكلم عن اى
فهد:عننا مثلا
تمارا:اممم تصدق فكرة بردو
فهد ضحك:تعرفى انك كل مابتكبرى بتحلوى وحبك بيزيد فى قلبي
تمارا:مانا عارفه
فهد برفعه حاجب:ايه الغرور ده
تمارا:زوجه الفهد بقي
فهد ضحك:ماتيجى نسافر انا وانتى سوا ومنقولش لحد على مكانا
تمارا:لا طبعا وبعدين احنا كبرنا خلاص يافهد عيب كدا
فهد:حتى لو عجزنا وسنانا وقعت بردو هفضل احبك يانبض قلبي
تمارا:حبيبي يافهد
===============
فى اوضه حسن ومروة قاعدين فى البلكونه وبيشربو قهوة ومروة سانده راسها على كتف حسن
حسن:ياحبيبتى فهد قال انهم عايزين يقعدو كمان اسبوع
مروة:بس وحشونى اوى
حسن:كلها اسبوع اسر يرجعلك لكن اسيل هتروح على بيت جوزها
مروة:مش متخيله حياتنا وهى بعيده عننا
حسن:والله ولا انا بس دى سنه الحياه ياحبيبتى
مروة:اهم حاجه انهم يعيشو مبسوطين ومتهنين مع اللى بيحبوهم
حسن:يارب ياحبيبتى
مروة:بكرة يجبولنا قطاقيط صغيرين يلمو علينا البيت
حسن:ربنا يفرحهم
مروة:حسن
حسن:نعم ياحبيبتى
مروة:ادهم عمل ايه مع فريد وسماح
حسن:هما الوقت محبوسين ولسه لما يتعرضو على النيابه الله اعلم هياخدو حكم اد ايه
مروة:ربنا يسامحهم