زين فاق من تأمله لجنه لما حس بحاجه خبطت فى العربيه من ورا بص فى المرايه كانت عربيه لونها اسود وزين حاول يسرع والعربيه خبطت في العربيه تانى وجنه اتفزعت
جنه:فى ايه يازين
زين:جنه انزلى بسرعه
جنه:انزل فين
زين بصوت عالى:انزلى تحت فى العربيه بســــــــرعه
جنه نزلت وكانت مرعوبه وزين حاول يبعد عن العربيه وفجأه ظهرت عربيه تانيه قدامه كانها كانت فى انتظاره يوصل وحاول يتفادى العربيتين وفى نفس الوقت عينه على جنه اللى بتعيط وخايفه
وطلع واحد من العربيه اللى وراه وبدأ يضرب عليهم نار وجنه صرخت بخوف
زين:اهدى ياجنه انا معاكى متخافيش
زين ساق باقصي بسرعه وبعد عن العربيات وبيبص وراه واتفاجأ بكومه من الرمل ودخل فيهاا وجنه راسها اتخبطت فى العربيه
زين:جنه انتى كويسه
جنه بتعب:راسي وجعانى
زين نزل من العربيه ولف فتح الباب ونزل جنه ومسكها من ايدهااا وبداو يجرو فى اراضي زراعيه والعربيتين اللى كانو وراهم وصلو عند العربيه ونزلو الرجاله وشافوهم وجرو وراهم…