زين:انا بخير ياست الكل وهنتحرك اهو
مريم:خليكو الصبح احسن يازين الدنيا ليل
تمارا:ايوا ياحبيبى روحو ارتاحو فى القصر واتحركو الفجر
زين:متقلقوش ان شاء الله هنوصل بسلامه
تمارا:خدو بالكو من نفسكو
مريم:خد بالك على جنه يازين
زين:فى عينيا يامريومه
جنه اتكسفت وقفلت وزين اتحرك بالعربيه
زين:تعالى نتعشي الاول فى اى مطعم وبعد كدا نتحرك
جنه:خلينا نجيب اى حاجه ناكلها فى الطريق احسن
زين:لا يلا هنتعشي سوا
زين راح على مطعم ونزل وفتح الباب لجنه ودخلو المطعم واستقبله المسؤلين بترحاب وجنه بصلته اوى وقعدو على تربيزه بعيده عن الكل وزين شد الكرسي لجنه اللى قعدت وراح قعد مكانه
جنه بصلته اوى:شكلك زبون مهم جداا هنا
زين:تقريبا كل اجتماعات الشغل بتم هنا
جنه:عشان كدا
جه الجرسون واداهم المنيوو
زين وجنه اختارو الاكل والجرسون اخد الطلب ومشي
زين بص لجنه اللى بتبص فى كل مكانه ماعدا عينيه وابتسم:جنه
جنه:نعم
زين:مالك حاسك متوترة اوى
جنه:لا خالص عادى
زين:انتى عارفه هما بعتونا سوا ليه
جنه:ليه
زين:انتى عارفه ليه ياجنه
جنه….
زين:جنه لو احنا متكلمناش احتمال يقتولنا لما نرجع
جنه ضحكت:وهما هيعرفو منين
زين:اكيد هيبقي فى تحقيق من توتا ومريم والبنات والشباب كلهم تقريبااا فخلينا نتكلم بقي