جنه دخلت الحمام بسرعه وكانت مرعوبه
حنان عملت القهوة وراحت الاوضه:ايه ده هى الدكتورة جنه فين ياماما
سميحه:راحت الحمام ياحبيبتى
حنان:حاضر
===============
فى الحمام جنه جسمها كله بيترعش طلعت فونها وعملته صامت ورنت على زين بس مردش عليها رنت عليه تانى بردو مش بيرد بعتتله مسدج يجيلها بسرعه وقالتلته كل حاجه باختصار وطلبت منه يجيلها بسرعه لانها خايفه وبعتتله اللوكيشن
جنه خرجت ودخلت الاوضه وخافت تشرب القهوة لتكون حاطه فيها حاجه
حنان:اتفضلى القهوة يادكتورة
جنه بصتلها اوى مش مصدقه انها تخدعها كدا
جنه بتاخد منها القهوة قلبتها بقصد فوق ايدها جنه صرخت لانها سخنه جدااا
حنان:انا اسفه والله
سميحه:ياحبيبتى بابنتى هاتيلها تلج بسرعه ياحنان
حنان:حاضر ياماما
جنه فونها رن وكان زين ردت عليه بسرعه
زين:جنه اخرجى بسرعه من عندك
جنه:مش هقدر يازين والله
زين:فى حد جمبك
جنه:اه انا خلصت يازين
زين:طب انا فى الطريق وقريب منك ٥ دقايق وهكون عندك متخافيش ياحبيبتى ومتقفليش المكالمه
جنه:حاضر
جنه حطت الفون فى الشنطه وسمعت جرس الباب بيرن اترعبت وخصوصا لما دخلت احمد الاوضه عليهم:يااهلا بدكتورة جنه
جنه قامت وقفت وكانت مرعوبه بس حبت تبان قويه وكانت مطمنه ان زين معاها على الخط:انت بتعمل ايه هنا