زين باس راسها:خدى بالك على نفسك ياجنتى
جنه باسته من خده:حاضر ياروح قلب جنتك
جنه خرجت من المكتب ونزلت ركبت فى العربيه وراحت على بيت حنان
==================
فى شقه حنان
الباب خبط حنان راحت تفتح الباب كانت جنه
حنان:ازيك يادكتورة جنه اتفضلى
جنه:انا بخير الحمدلله والداتك عامله ايه الوقت
حنان:الحمدلله اتفضلى هى جوا فى الاوضه وانا هعملك القهوة بتاعتك
جنه:شكرااا
حنان دخلت المطبخ وجنه لسه هتدخل الاوضه شافت صورة متعلقه على الحيطه وقفت مصدومه والصورة كانت لحنان واحمد فى فرحهم
جنه دخلت الاوضه:ازيك ياطنط اخبارك ايه
سميحه:ازيك يابنتى تعالى نورتى والله دانا قولت هتنسينا بعد مابقيت كويسه
جنه:هو حضرتك مش تعبانه
سميحه:دانا بدعيلك ليل نهار يابنتى دانا الحمدلله بقيت زى الفل
جنه كانت حاسه ان فى حاجه وخافت لما شافت صورة احمد وخصوصا ان حنان قالتلها انها مش متجوزة
جنه قعدت تتكلم كتير مع سميحه
جنه:هى حنان طيبه وتستاهل كل خير
سميحه بحزن:بس حظها وحش ياحبت عينى اتجوزت ابن عمها وهى بتحبه بس هو بيحب واحده تانيه وسابها وسافر بقالها فترة
جنه:ربنا يهديه ويرجعلها بسلامه..احم عن اذنك ممكن اروح الحمام
سميحه:اتفضلى يابنتى
جنه اخدت شنطتها وخرجت سمعت حنان ببتكلم قربت من المطبخ وسمعت كلامها:اه هى جت .. والله موجوده مش بكذب عليك ….حرام عليك اللى بتعملع فيا ده ….لالا امى لا ابوس ايدك متاذيهاش….حاضر هلهيها لحد ماتيجى