زين شدها لحضنه وهى مسكت فى قميصه وعيطت اكتر
زين:انتى كل حياتى ياجنه انتى النفس اللى بتنفسه ومقدرش اعيش لحظه من غيرك ياقلب زين وانا اللى اسف على كلامى امبارح ولو حابه تروح لدكتورة انا هاجى معاكى بنفسي
جنه بعدت عن حضنه وزين مسحلها دموعها:لا مش عايزة اروح انا هسيبها على ربنا زى مانت عايز ومش هفكر تانى فى موضوع الخلفه ده ولا هخليه ياثر على حياتنا سوا يازين
زين باس راسها:انتى روح وقلب زين ياجنتى
زين حضنها بقوة الباب اتفتح وجنه بعدت عن زين وكان فهد جنه اتحرجت
فهد:ازيك ياجنه
جنه:بخير ياعمو
فهد قرب منها:مالك بتعيطى ليه
جنه:مافيش ياعمو انا كويسه
فهد اخدها فى حضنه:الواد ده لو زعلك عرفينى وانا اجبلك حقك منه
زين:وانا اقدر ازعلها بردو دى حياتى
فهد ابتسم:ربنا يسعدكو … انا رايح المستشفى انا وحسن نطمن على اسيل تيجو معانا
جنه:انا لسه جايه من عندها
زين:انا عندى شويا شغل هخلصه واروح
فهد:تمام
جنه:زين انا لازم اروح فى مريضه كانت عندى وتعبانه ولازم اروحلها
زين:طب روحى مع بابا
جنه:لا ماهى مش فى المستشفى دى بيتها
زين:وانتى من امته بتروحى بيوت ياجنه
جنه:لا دى الست الكبيرة اللى قولتلك عليها قبل كدا
زين:اجى معاكى
جنه:انا معايا العربيه بسواق تحت متخافيش عليا