مروة:معلش هما فى الاول بيبقو كدا ياحبيبي
الباب خبط وادهم فتح كانو جميله وزينه وجنه وتمارا وشروق ومريم دخلو وكانو جايبين فطار معاهم
اسيل صحت على صوتهم:صباح الخير
جميله قربت منها:كدا تولدى قبلى وانا اللى قولت هنولد سوا
اسيل:اللى حصل بقي
جميله:حمدلله على سلامتك ياسولا
اسيل:الله يسلمك شوفتى الصغنين
جميله قربت من سريرهم:ياروحى حلوين اوى اوى وكمان عجبنى اسمائهم اوى
اسيل:بجد
جميله:اه والله
تمارا:يلا عشان نفطر سواا كلنا
الكل فطرو سوااا وكانو بيضحكو ويهزرو
ادهم قرب من اسيل:انا هروح مشوار سريع كدا وهاجى ياحبيبي
اسيل:حاضر ياادهم
ادهم خرج وهما كملو ضحكهم تانى
================
فى بيت اول مرة نزوره الباب بيخبط خرجت حنان من الاوضه وفتحت الباب كان شاب واقف
حنان بخوف:انت ايه اللى جابك هنا
احمد:مش عايزانى اجى ولا ايه
(ده دكتور احمد اللى كان بيهدد جنه ي حلوين)
حنان:انا مش هقدر اعمل اللى انت عايزه
احمد زقها ودخل الشقه مسكها من شعرها:لا هتعمليه ياحيله امك يامااا تترحمى على امك
حنان:حرام عليك انت بتعمل فيا ليه كدا
احمد:هو كدا تعملى اللى قولتلك عليه احسنلك
حنان بخوف:حاضر حاضر
احمد خرج وحنان قعدت تعيط سمعت مامتها بتنادى عليها مسحت دموعها ودخلت الاوضه:ايه ياحبيبتى