جنه:لا مش قصدى يازين
زين:هااا كنتى فين مع مامتك
جنه:بدام انت عرفت انى خرجت مع ماما اكيد عرفت انا روحت فين
زين بعصبيه:انا عرفت ومش فاهم ازاى تتصرفى من دماغك وانا قولتلك مش عايزين نتكلم فى الموضوع ده تانى
جنه:يازين افهمنى انا نفسي اكون ام انت ليه مش حاسس بيا
زين:وانا قولتلك شيلى الموضوع من راسك عشان هتفضلى تفكرى كتير وانتى اللى هتتعبى مش انتى روحتى لدكتورة قالتلك ايه بقي
جنه:مساله وقت
زين بصوت عالى:ده اللى انا قولته احتا متجوزين بقالنا اقل من سنه مش من ٢٠ سنه عشان تعملى اللى بتعمليه ده
جنه عيطت:انت مش حاسس بيا
زين مسك الفازة ورماها على الارض بكل قوة وجنه خافت من عصبيته:بصي ياجنه من الاخر الموضوع اتقفل بالنسبه ليا وممنوع تروحى لدكتورة دى تانى
جنه:بس
زين:من غير بس انا بقولك ياانا ياموضوع الخلفه اللى شاغل بالك ومخليكى طول الوقت حزينه
جنه وقفت وقربت منه:يعنى ايه
زين:لو هتفضلى تفكرى فى موضوع الحمل اللى اتاخر يبقي تنسينى
جنه:انساك ازاى يازين انت تقصد ياالحمل ياانت يعنى لو انا روحت لدكتورة مرة تانيه هتطلقنى
زين:انا قولتلك اللى عندى ياجنه وكلامى خلص
زين خرج من الاوضه وجنه قعدت على الارض وفضلت تعيط لحد مانامت مكانهاا