«هارون» بجفاء
_ تقصد ايه ؟
«سالم» بفظاظة
ـ هعقد معاك اتفاق . هثبتلك بالدليل أن عمتي مش رمتك ، و لا كانت تعرف بوجودك أصلًا ، و انت بالمقابل تمحي اسم ناجي من ذاكرتك .
صمت لثوان قبل أن يقول بتعجرف
ـ و انت كسبان ايه لما امحي اسم ناجي من ذاكرتي ؟ متقوليش دا جزء من انتقامك منه عشان اخوك .
«سالم» بجفاء
_ سكة الانتقام دي مش سكتي ، ولا أخلاقي . انا بس بحافظ على العيلة اللي انا كبيرها ، و اللي كل فرد فيها مسئول مني ، و انت كمان من ضمنهم.
أوشك على الاعتراض فجاءت نبرة «سالم» قوية و كذلك ملامحه حادة حين قال
_ مش هنهري كتير . اللي ليك عندي اثبتلك براءة امك ، و بعد كدا انت اللي هتختار تعمل ايه ؟ و لحد اليوم دا مش عايز منك غير تسكت و تتفرج وانا بكشفلك حقيقته .
خربشت كلماته الفضول بقلبه لذا استفهم بفظاظة
_ ازاي؟
«سالم» بجفاء
_ هتعرف كل حاجه في وقتها. اهم حاجه اللي اسمها جوهرة دي تسايرها ، و اوعى تثق فيها. خلي بالك هي وسيلته في التأثير عليك ، و انت مش غبي .
«هارون» بسخرية
ـ هو عارف اني مبطيقهاش اصلًا .
«سالم» بخشونة
_ الوضع اختلف ، و هو عايز يستغله لصالحه ، و احنا كمان بس الفرق أننا هننتصر في النهاية ، و دا هتشوفه بعينك ، و لو انت ذكي كنت هـ تسأل نفسك هو فين من وقت ما احنا جبناك على هنا ؟