أخذ عقله يعمل في جميع الاتجاهات ف«ناجي» لن يُخبر تلك المرأة بأسراره إذن لابد و قد علمت من أحد آخر ولكن من ؟ هناك اثنان من الخونة لا ثالث لهم« رامي» و قد تخلص منه منذ عدة أيام
عودة لوقتٍ سابق
_ خير يا كبير .
هكذا تحدث «مروان» بمرح قابله «سالم» بنبرة جافة
_ اقعد . في موضوع مهم لازم نتصرف فيه .
«مروان» بترقُب
_ حصل ايه ؟
« سالم» بجفاء
_ الكلب اللي اسمه رامي شاكك في فرح و عايز يتخلص منها .
«مروان» بصدمة
_ بتقول ايه ؟ الله يحرقه ، و شك فيها ازاي ؟
_ فرح شافته وهو بيتكلم مع دادا نعمة في الجنينة ، و فردة الحلق بتاعتها وقعت وهو لقاها و خدها و طلب من دادا نعمة أنها تسمها .
هتف «مروان» بحنق
_ اه يا كلب . صدق مين قال رامي رامي كلب حرامي !
توقف« سالم» عند تلك الجملة لثوان قبل أن يقول بحماس
_ بس. لقتها . هو كلب وحرامي فعلًا . بقولك ايه ؟ الواد دا لازم نتخلص منه ، و بطريقة متبينش أننا كاشفينه . نلبسه قضية سرقة الحلق بس من غير ما نكون احنا اللي مبلغين عنه .
هكذا تحدث «سالم» فصاح «مروان» بحماس
_ باس الكمالة عندي انا يا كبير .
«سالم» بسخرية
_ اشجيني .
_ بص يا سيدي . الواد دا جشع و إلا مكنش هيعض الأيد اللي اتمدتله و يخون اللي مشغلينه و الست اللي جابتله الشغل . يبقى احنا ايه ؟ نعرفه قيمة الحلق اللي لقاه وان هو بثروة كبيرة.