_ عارفه . بس القلب اللي بيحب بيغير ، و الغيرة لا بيخضع ليها عقل ولا منطق يا سالم. امبارح لما قولتلي أنتِ عاقلة . قلبي وجعني . مش معنى اني عاقلة اني اتحمل اشوف واحدة بتترمي في حضن جوزي ومتوجعش .
كانت مُحقة للحد الذي جعل الغضب يتعاظم بداخله فيود لو يُجهِز على تلك الحية الرقطاء و يُنهي كل شيء يتسبب في حزنها ولكنه مُكبل ، و لأول مرة بحياته تُخضعه الظروف لتحمُل ما لا طاقة له به و لأول مرة ترى معالم وجهه تحمل هذا الحزن و الغضب معًا لذا تابعت بحنو
_ انا عارفة ومقدرة الموقف اللي انت فيه ، و مش بلومك على حاجه . لكن لازم تعرف انها مش سهلة و بتلعب على حاجه تانيه خالص غير اللي في دماغك .
جذبها من كفوفها لتقترب منه حتى باتت أنفاسها في تضاد مُباشر فقال بخشونة
_ كل دا و لسه ست الحسن و الجمال بتكابر و مش راضيه تعترف انها بتغير !
زحف الخجل إلى وجنتيها فنثر حمرته القانية على خديها الشهيين بينما طافت عينيها في المكان حولهم لتقول بلهجة خافتة
_ سالم ابعد . حد يشوفنا !
«سالم» باندهاش
_ و ايه المشكلة لو حد شافنا ؟ أنتِ ناسية انك مراتي ولا ايه ؟
«فرح» بخجل وهي تحاول الابتعاد عنه
ـ ايوا مراتك بس مينفعش حد يشوفنا مقربين من بعض كدا . هتكسف.