سالم بفظاظة
” محستش كدا . بس ماشي مش هتفرق .. “
فرح بانفعال
” يعني ايه مش هتفرق دي ؟”
سالم بملل
” أنا شامم ريحة هرمونات و دا مش وقتها خالص علي فكرة ..”
أوشكت علي إجابته ولكن جاء الطرق علي الباب ليوقفها فقام سالم بفتحه فإذا به يجد مروان الذي وضع احدي يديه فوق عينيه وهو يقول بسخرية
” حد خالع راسه ؟”
التفت سالم يناظرها بحنق تجلي في نبرته وهو يقول
” شايفه العاهات اللي مجبر اتعامل معاها ؟ عرفتي ليه بقولك مش وقت هرموناتك ..”
تدخل مروان قائلا بجدية مفتعله
” ايه مالها هرموناتك يا فرح ؟ اوعي يكون مزعلك ؟ لا كله الا دا “
سالم بجفاء
” و انت مالك ومال هرموناتها يا بغل . امشي من قدامي ..”
مراون بلهفه
” حاضر يا برنس ..”
ثم التفت إلي فرح قائلًا بحدة
” ما تظبطي أنتِ وهرموناتك دي يا ستي ناقصين دلع احنا..”
قال جملته ثم هرول الي الخارج ما أن رأي ملامح سالم المتجهمة فاندلعت ضحكة رائعة من بين شفتيها جعلته يكظن غيظه وهو يقول
” ضحكتك اوي كلمته ؟”
فرح بدلال
” طبعا هو اصلا مروان كله عله بعضه سكر وبيضحكني ..”
اندلع صوت مروان من الخارج وهو يقول بانفعال
” الله يخربيت مروان و سنينه يا ستي سبيني في حالي دا أيده مرزبة ..”
تجاهل حديث ذلك الوغد و أخذت نظراته تبحران فوق ملامحها التي تناظره بتحدي يعلم أنها تود إغضابه ولكنه بالفعل شعر بالغضب فقام بالعض علي شفتيه وهو يقول بوعيد
” هربيكي بس الصبر ..”
تورد خدها من كلماته و معانيها المبطنة فاخفضت رأسها خجلًا وقام هو بجذبها الي أحضانه يريد أن يشعر بها بجانب قلبه عل وجودها يخدر اوجاعه ولو قليلًا