صاعقة قويه ضربتها بعنف فسقطت علي المقعد خلفها وهي تقول بصدمة
” بتقول ايه ؟”
طارق بنفاذ صبر
” بقولك حازم طلع عايش و كان مع ناجي و معرفش اكتر من كدا . أنا في المستشفى مع شيرين عشان اضربت بالنار .”
شهقت بعنف و خرج صوتها مرتعشًا
” ايه ؟ طب هي جرالها ايه ؟ و … و حد تاني اتصاب ؟ “
” لا هي بس .. و لسه مطلعتش من العمليات .. طالبين دم و عمار راح يتبرعلها”
كانت نبرته تقطر وجعً ذرفته عينيها أنهارًا وهي تقول بألم
” طب جنة .. جنة يا طارق فين و عرفت؟”
طارق بتعب
” فين معرفش .. بس هي كانت موجودة و شافت كل حاجه.. “
” يعني ايه متعرفش ..”
أوشك علي إجابتها فالتقمت عينيه عمار القادم تجاهه بعد أن تبرع بدمائه لشيرين فهتف طارق بلهفه
” طمني عملت ايه ؟”
عمار بطمأنه
” متجلجش اتبرعت بالدم و عرفتهم لو عايزين اكتر اني موچود ..”
ارتاح صدره قليلًا وثم عاد إلي فرح التي صاحت علي الهاتف
” لو دا عمار اديهولي ..”
مد طارق الهاتف الي عمار الذي أجاب فهتفت فرح بلهفه
” عمار طمني علي جنة..”
عمار بخشونة
” اطمني چنة في الاوضة و بعتلها الدكتور يطمن عليها و أنا دلوق رايح لها ..”
لم يكد ينهي جملته حتي وجد الممرضة التي أمرها بمرافقة جنة تهرول إليه وهي تصيح
” يا حضرة الست اللي قولتلي احجزلها اوضه معرفش راحت فين مش لاقيينها ..”