امتقع وجهها حين سمعت كلماته و تهدلت أكتافها بانهزام تجلى في نبرتها حين قالت
_ قلبها ازاي طاوعها تسبني كدا و تمشي ؟
ضاق ذرعًا من حزنها الذي كان له وقع قارصًا على قلبه فـ خاطبها بجفاء
_ ممكن تهدي شويه و تيجي تقعدي عشان نعرف نكمل كلامنا.
رغمًا عن كل شيء لم تستطِع تجاوز ذلك الألم الرهيب الذي يعصف بقلبها وهي تتخيل أن شقيقتها وحيدة وسط الناس لا تعرفهم خاصةً وهي تحمل كل تلك الجراح بقلبها لذا تحدثت و من صبارًا نبت في جوفها
_ ليه هو حاجه تانيه انا لسه معرفهاش ؟
يعلم مدى تأثرها لذا قال بلهجة هادئة
_ جنة اختارت تبعد عشان تقدر تلملم نفسها و تهدى بعيد عن أي ضغط و أي صدام ليها مع سليم ..
عند ذكر اسم ذلك اللعين تفجر بارود غضبها فصاحت بانفعال
_ سليم دا انا هاكله بسناني لما أشوفه . يعني هو يشرب حشيش و يتنيل بستين نيلة و ييجي يرمي اللوم عليها ؟! هي ذنبها ايه ؟ بس المرة دي مش هعديهاله بالساهل يا سالم ، ولازم هاخد حق جنة من عنيه .
تبدل الغضب في لهجتها إلى بحة ألم قاتله وهي تُضيف بأسى
_ عشان هو أكتر واحد عارف هي اتعذبت ازاي ؟
أرجعت خصلات شعرها للخلف وهي تضع يدها فوق مقدمة رأسها قبل أن تضيف بحرقة
_ دي يا قلبي ملحقتش تفرح أن ربنا شفاها و خفت من مرضها .