★★★★★★★★★
_ خير يا سالم جمعتنا ليه ؟
هكذا تحدث «سليم» بجفاء قابلة الجمود من قِبل« سالم» الذي قال دون ان ينظر إليه
_ وقت التنفيذ جه .
التفت الرجال الثلاثة يناظرونه بتحفز قبل أن يقول «طارق» باستفهام
_ يعني خلاص هسافر ؟
«سالم» بجفاء
_ هتسافروا . هتاخده معاك
قال جملته الأخيرة وهو يشير إلى «سليم» الذي قال بفظاظة
_ من غير ما تقول أنا كنت ناوي اصلا اسافر معاه .
تدخل «مروان» لأول مرة في الحديث قائلًا بمزاح
_ طب ما تبعت عمتك معاهم يمكن يحبوا ينفذوا عملية انتحارية ولا حاجه ؟
لم يفلح «سالم» في قمع تلك الابتسامة البسيطة التي لونت محياه فاندفع «طارق» يقول بصرامة
_ هكتب كتابي على شيرين قبل ما اسافر .
«سالم» بتهكم
_ مفروض انك مسافر كمان يومين !
«طارق» بتصميم
_ و ايه المشكلة ؟ المأذون و الشهود و أنا وهي موجودين .
تدخل «سليم» ساخطًا
_ انت شايف ان دا وقت تفاتحها فيه في موضوع زي دا ؟
«طارق» بحدة
_ والله انا مقولتش هعمل فرح و لا هجيب رقاصات بقول كتب كتاب .
تحدث «مروان» بتهكم
_ سيبه خليه يطلع يقولها الكلمتين دول . خليها تحدفه بالأبچورة في وشه و تريحنا منه .
تحدث «سالم» أخيرًا بلا مبالاة
_ قدامك عمتك و بنتها اتكلم معاهم انا معنديش مانع