ولكن لم تبال ملك بذلك بل انها واصلت تقدمها وهي تنحي علا من أمامها بيد بينما ظلت الأخر حاضنة الطفل وهي تهتف بها: اوعى من طريقي, انا لازم أقابله.
وفي الناحية الأخرى كان عمرو يجلس خلف مكتبه يراجع بعض الأوراق أمامه غير مبال بتلك الشابة الجذابة التي تجلس أمامه واضعة احدى رجليها فوق الأخرى على حافة المكتب بإغراء زاد من تأثيره تلك الملابس القصيرة والضيقة التي كانت ترتديها والتي بدت أنها من أكبر وأشهر محلات الأزياء, لتقول له بتودد وهي تميل نحوه محاولة جذب انتابه: يبقا خلاص اتفقنا انك هتيجي حفلة عيد ميلادي؟
فقال عمرو وهو ينظر إليها مرغما على رسم ابتسامة خرجت باهتة: مش هينفع يا نانسي, المفروض انك مجرد عارضة أزياء بتشتغل عندي في الشركة وعشان كدة مش ممكن اظهر معاكي ادام الناس ع الاقل في الوقت الحالي.
فمطت تلك المدعوة نانسي شفتيها وهي تقول بتذمر وقد بدأت تمسك برباطة عنقه تتظاهر بأنها تقوم بتعديلها: وياترى بقا هنفضل كدة لحد امتى؟
عمر بتأفف وهو يبعد يزيح يدها برفق وينهض من مكانه ليتحرك بعيدا عن المكتب مديرا ظهره لها: نانسي! انا ما ضحكتش عليكي, انتي من الأول وانتي عارفة نيتي ناحيتك كويس وكنتي موافقة, وفي المقابل استفدتي كتير من العلاقة دي وبقيتي أشهر عارضة أزياء معروفة حاليا سواء في شركتي أو في الشركات التانية.