*******************************************
جلست نجوان بصحبة حازم في حجرة الصالون لتبدأ كلامها له بسؤاله: قولي بقا عملت ايه؟ وايه أخبار المصنع الجديد؟
حازم برضا: الحمد لله يا نوجا, كله تمام, واحنا في آخر مرحلة, وان شاء الله كلها أربع شهور بالكتير أوي ويكون جاهز لاستقبال المكن, بس كان فيه شوية حاجات كدة كنا محتاجينهم, وقولت بدل ما أكلم عمرو في التليفون آجي بنفسي وأهو بالمرة أشوفك يا قمر واطمن عليكي.
فردت عليه نجوان بدلال: تطمن عليا انا بردو! ولا على فريال؟
حازم بلهجة صادقة: عليكم انتم الاتنين, ماهو زي ما هي امي انتي كمان أمي ولا ايه يا نوجا؟
فابتسمت نجوان وهي تقول له موبخة بلطف: يا واد امتى بقا هتبطل كلمة نوجا دي؟ انا خلاص كبرت عليها.
فأمسك حازم يدها برفق يلثمها بشفتيه: ولو عديتي الـ100 سنة هتفضلي بردو في عيني أجمل وأحن نوجا في الدنيا.
فهزت نجوان رأسها بيأس: انت مفيش فايدة فيك, هتفضل طول عمرك بياع كلام.
فتجاهل حازم توبيخها له ليقول متحليا ببعض الجدية: طب سيبك مني أنا دلوقت وقوليلي, مين المزة اللي شوفتها بردة دي؟ دي شغالة جديدة؟
فتجهم وجهها إثر ذكره لذلك الأمر وخرج صوتها متضايقا وهي تجيب عليه: اسمها ملك وتبقا مراة ابن عمك.