دلف إلى غرفة “أنيس” وكان مريضًا يصارع الموت على أجهزة التنفس والسرطان بدأت يأكل خلايا دماغه كليًا فقال بجدية:-
_ أرجوك أقبل أن ننقلك المُستشفي، لحد دلوقت أنسة آيلا متعرفش بخبر مرضك ومش مستعدة نفسيًا أنها تسمع أى خبر وحش أو خبر فقدك ، بلاش عناد
أبعد “أنيس” أنبوب الأكسجين عن أنفه وتحدث بنبرة خافتة من التعب:-
_ أنا لو طلعت من قصري يا أدم الكل هيعرف بسوء حالتي وأولهم عيالي وهيسنوا سكاكينهم عليا أنا وآيلا، طول ما أنا هنا هيفضلوا هم اللى خايفين مني… المهم طمني عليها
جلس “أدم” على المقعد الذي بجواره وتبسم بلطف ثم قال:-
_ زى ما هى لسه بتعاند وتقريبًا أنا أكتشفت أنهى ورثت العناد من حضرتك، رافضة تتعايش هناك ورافضة تتعامل مع جنس أى بشري هناك حتى الناس اللى بيحاولوا يساعدوها
تبسم “أنيس” على حفيده وقال بخفة وصوت مبحوحٍ مُتلعثمٍ :-
_ ما دام بتعاند يبقي كويسة ،آيلا تخاف عليها لو سكتت لكن ما دام بتقاوم وتعاند وراكبة دماغها يبقي هتعيش
أومأ “أدم” إليه بنعم وبعد حديث طال بينهما خرج من الغرفة ليجد “هدي” فى السيارة تنتظره حتى جاء وأنطلق بسيارته خارج القصر وتتبعه ” يزن” بسيارته حتى يصل إلى “آيلا” ويحقق مراده الشيطاني بها…..