ضحكت بسخرية على طلبه وقالت:-
_ أنت مخك فوت يا أدم
تواعد لها بالأنتقام من غلاظتها وقلة حياءها، دلف إلى غرفته ووضع بها الأكياس على الفراش ثم خرج من الغرفة ودلف إلى المطبخ ليصنع الطعام من أجله …..
_____________________________
[[ القصـــــر ]]
_ أنا لازم أعرف من الخاين اللى حط لآيلا السم فى الأكل، أكيد حد من الخدم
قالها “أنيس” بهدوء شديد ويديه مُتكأة على العكاز معًا، تحدث “جابر” قائلًا:-
_ تحب أمشي الخدم كلهم
_ لا، مش عايز أظلم حد؟ فى كتير مالهمش ذنب
قالها بجدية وعقله شاردًا يفكر فالفاعل الخبيث المُختبي بين الجميع ، نظر “جابر” إلى “أنيس” وقال:-
_ زى ما حضرتك تحب، أنا تحت أمرك ، أمرني بس وهنفذ على طول ، بالمناسبة أنا خليت الرجالة يجهزوا الحاجات اللى طلبها أدم عشان الآنسة آيلا وهيجي بكرة الصبح يأخدها
_ ماشي، أبعت لها كل اللى تحتاجه يا جابر مش عايزها تحس بأى ضغط أو زعل من وجودها هناك
هز “جابر” رأسه بجدية ثم غادر المكتب ليبقي “أنيس” يفكر وحده كيف يصطاد الخائن لكن سرعان ما جاءه الجواب حين طرق الباب ودلفت الخادمة فسأل “أنيس” بهدوء:-
_ عايزة أي؟
تحدثت الخادمة بتوتر شديد ويديها ترتجف قائلة:-
_ أديني الأمن الأول يا سعادة البيه