_ أبوك لغي التوكيل وجمد كل الأرصدة بعد ما سحب منها كل الفلوس، شُفت اللى خُفت منه حصل أزاى
أتسعت عيني “محمود” بصدمة ألجمته ووقف من محله يتلعثم بالحديث قائلًا:-
_ لا، مستحيل ، أزاى
صرخت بجنون وتكاد تفقد عقلها قائلة:-
_ زى ما بقولك، رفضوا يصرفولى الشيك، الحمد لله أني أتصرفت وسحبت الـ 10 مليون جنيه، أنا هأخدهم دلوقت وأطلع على شقة زايد بتاعت أمي وأحطهم هناك مش هأمن أبوك، هخاف أحطهم فى البنك
هز رأسه بنعم وكاد أن يتحدث لكنه سمع صوت رجل يتحدث مع “هايدي” فأسترق السمع لهما، كانت تحدثه بغضب سافر حتى قاطعها دقات خافتة على زجاجة النافذة، فتحت “هايدي” النافذة وكان “جابر” يقف أمامها وخلفه رجاله، قال بحزم:-
_ مدام هايدي ياريت تسلمينا مفتاح العربية وتنزلى منها
رمقته “هايدي” بذهول وسألت بصدمة قاتلة:-
_ أنت بتقول أى؟
_ بقول لحضرتك ان أنيس بيه أمر بسحب كل العربيات والفيزا كارت منكم وأنا عبد المأمور
ترجلت من سيارتها غاضبة وتحدثت بنبرة قوية جدًا:-
_ أنت أتجننت، أنت أزاى تتكلم معايا كدة؟