هز “مختار” رأسه بحيرة وقال:-
_ آيلا!! ، هتأذيها يا يزن
_ محبتنيش ولا حتى فكرت تضحك فى وشي، آيلا قاعدة فى قلبي لكن أنا ولا حتى بتشوفني بعينيها
قالها بحسرة على برودها معه ومعاملتها الجافة له لتقول الفتاة الموجودة فى الشقة معهم:-
_ آيلا، هى دى بقي اللى مخلياك مش شايفني بعينيك ولا حاسسني
مسك فك وجهها بقوة غليظة وعينيه يتطاير منها الشر وقال بتهديد:-
_ إياك تجيبي أسمها على لسانك مرة تانية، أنتِ فاهمة؟ مبقاش ألا حثالة زيك تتكلم عنها
دفعت الفتاة يده بقوة خائفة من نبرته وتهديده وقالت “مروة” بمكر:-
_ أنا لو مكانك وخدت ورثي وبحبها الحُب دا كله أسحبها بالقوة وأعمل معها الصح ووقتها مش هيبقي قدامها غير الجواز عشان متتفضحش وأهو يبقي جاتلك الفرصة تأخد حبيبتك فى حضنك
صفعها بقوة على وجهها بسبب تفكيرها الخبيث فى “آيلا” وتحريضها له على جريمة لن تغتفر نهائيًا ثم قال:-
_ كلمة تانية وهدفنك حية مكانك…. أنا ماشي
غادر الشقة غاضبًا بعد أن فتحت “مروة” باب عقله للشيطان، وبدأ يتخيل شعوره حين يضمها وتلتصق أجسادهما معًا وتتحدي أرواحهما معًا فى جسد واحد، عطرها وعبيرها مما جعله يفقد تركيزه وقلبه يتسارع بجنون فى نبضاته ….
___________________________